ઉત્તર ભારતમાં ભારે હિમવર્ષાના પગલે ડીસા સહિત સમગ્ર બનાસકાંઠા જિલ્લામાં ઠંડી એ જોર પકડ્યું છે અને છેલ્લા બે દિવસથી તાપમાનનો પારો ગગડતાં ઠંડી તેનો સીતમ વરસાવી રહી છે. છેલ્લા બે દિવસથી તાપમાન ગગડતા 11 ડિગ્રી તાપમાન નોંધાયું છે.
ઠંડીમાં વધારો થતાં જનજીવન પર અસર
ઠંડીથી રક્ષણ મેળવવા માટે લોકો અનેક પ્રયાસો કરી રહ્યા છે. ખાસ કરીને સવારે કામ ધંધાએ નીકળતા લોકો અને શાળાએ જતાં બાળકો ઠંડીથી રક્ષણ મેળવવા માટે સાલ, સ્વેટર, મફલર સહિત ગરમ વસ્ત્રોમાં ગોતમોટ થઈને બહાર નીકળતા નજરે પડી રહ્યા છે, ત્યારે આગામી સમયમાં હજુ પણ વધારે ઠંડી પડશે તેમ હવામાન વિભાગે આગાહી કરી છે.
