સાબરકાંઠામાં ઉપરવાસમાં ભારે વરસાદના પગલે પ્રથમ ભાગ નર્મદા ડેમ સહિત ગુજરાતના મોટાભાગેના ડેમ ઓવરફ્લો થઇ ગયા છે, ત્યારે નર્મદા ડેમમાં પણ ઇતિહાસમાં પહેલીવાર આટલું પાણી આવતા તમામ દરવાજાઓ ખોલી પાણી છોડવામાં આવી રહ્યું છે. ત્યારે હજુ પણ ડેમમાં પાણીની આવક વધવાના કારણે નર્મદાનું પાણી સુજલામ સુફલામ કેનાલમાં પાણી છોડવામાં આવ્યુ છે, જેથી બનાસકાંઠા જિલ્લામાંથી પસાર થતી 73 કિલોમીટર લાંબી સુજલામ સુફલામ કેનાલમાં પાણી આવતા ખેડૂતોમાં ખુશીનો માહોલ જોવા મળી રહ્યો છે.
સુજલામ સુફલામ કેનાલ બનાસકાંઠાના 4 તાલુકાઓમાં થઈને પસાર થાય છે. કેનાલમાં પાણી આવતા આસપાસના ખેતરો અને ખેડૂતોને મોટો ફાયદો થશે અને આજુબાજુના વિસ્તારમાં પાણીના તળ ઊંચા આવશે. જેથી ખેડૂતોમાં ખુશીનો માહોલ જોવા મળી રહ્યો છે, ગત વર્ષે દુષ્કાળનો સામનો કર્યા બાદ આ વર્ષે સારો વરસાદ થતાં અને સુજલામ સુફલામ કેનાલમાં પાણી આવતા જ હવે જિલ્લામાં પાણીના તળ ઊંચા આવતા ખેડૂતોની મુશ્કેલીઓ કંઈક અંશે હલ થશે. ત્યારે સરકાર દ્વારા આ કેનાલ બે ચાર મહિના સુધી પાણી ચાલુ રાખવામાં આવે તેવું ખેડૂતો ઇચ્છી રહ્યા છે.
