અમદાવાદ : આજે ટાગોર હોલ ખાતે અમદાવાદ મ્યુનિ. કોર્પોરેશનની માસિક સામાન્ય સભાની બેઠક યોજાવાની છે. ત્યારે આ બેઠકમાં ભાગ લેનારા તમામ કાઉન્સિલરોના કોરોના ટેસ્ટ કરવામાં આવ્યા હતા. જેમાં બુધવારે પાલડી ટાગોર હોલમાં 50 કાઉન્સિલરો અને 12 સપોર્ટ સ્ટાફ સહિત 62 લોકોના RTPCR કોરોના ટેસ્ટ કરવામાં આવ્યા હતા. જેમાં એક જ વ્યક્તિનો રિપોર્ટ પોઝિટિવ આવ્યો હતો. જ્યારે મેયર બીજલ પટેલ, અન્ય કાઉન્સિલરો અને મ્યુનિસિપલ સેક્રેટરી તેમજ મ્યુનિસિપલ કમિશનર સહિત બોર્ડમાં હાજર રહેનાર અધિકારીઓએ ટેસ્ટ કરાવ્યા હતા.
જ્યારે ભાજપ-કોંગ્રેસના કાઉન્સિલરો અને અધિકારીઓ મળી 151 લોકોના ટેસ્ટ કરવામાં આવ્યા હતા. જેમાં 30 ટકા લોકો ઓનલાઈન હાજર રહે તેવી શક્યતા છે. જેમાંથી માત્ર એક જ વ્યક્તિ કોરોના પોઝિટિવ આવ્યો હતો. જેને સારવાર માટે મોકલવામાં આવ્યા હતા.