દરરોજ અવનવી વાનગીઓમાં હેલ્ધી અને હાઈજેનીક ફૂડ આરોગતા અમદાવાદીઓ માટે અનોખો વર્કશોપ યોજવામાં આવ્યો હતો. આયના કૂકરી ક્લબ દ્વારા આયોજિત આ વર્કશોપમાં જુદા-જુદા પ્રકારની બ્રેડ બનવવામાં આવી હતી. આ કાર્યક્રમમાં 200 જેટલી મહિલાઓ જોડાઈ હતી.
કાર્યક્રમના આયોજક બેલા મણીયાર અને દીપા ઢોલાનીએ લોકોના સ્વાસ્થ્યને ધ્યાનમાં રાખી સતત રિસર્ચ કર્યું છે. શેફ અને ફ્લોરોસેંટ એકેડેમીના ઓનર મોનીલા સુરાનાએ બ્રેડની વિવિધ વાનગી શીખવી હતી. આ બે દિવસીય વર્કશોપમાં વાઈટ બ્રેડ, કોફાશીયા બ્રેડ, મલ્ટીગ્રેન બ્રેડ વગેરે બનાવતા શીખવ્યું હતું.
મોનીલા સુરાએ જણાવ્યું હતુ કે 'લોકો અત્યારે હેલ્ધી ખાવાને પ્રાથમિકતા આપે છે. જેથી લોકો ઘરે બનાવેલી વસ્તુઓ વધારે પસંદ કરે છે. બ્રેડ એવી વસ્તુ છે જે માર્કેટમાં મળી રહે છે. પરંતુ તે વિશ્વાસપાત્ર હોતી નથી. કારણ કે તેમાં ઈસ્ટનું પ્રમાણ સૌથી વધુ હોય છે. તેથી અહીં ઉપસ્થિત મહિલાઓને કેવી રીતે સરળ રીતે અનેક પ્રકારની બ્રેડ બનાવી શકાય તે જણાવ્યું છે.'
બેલા મણીયારે જણાવ્યું હતુ કે, લોકોને બ્રેડ બનાવવી ખૂબ જ અઘરી લાગતી હોય છે, જેથી અમે વર્કશોપનું આયોજન કર્યું છે. અમદાવાદ, રાજકોટ, વડોદરા અને સુરત સહિતની મહિલાઓ શીવા માટે આવી છે. હું આ પ્રકારના કાર્યક્રમ છેલ્લા પાંચ વર્ષથી કરૂં છું. જેમાં લોકોના સારા પ્રતિભાવ મળ્યાં છે. આયના કૂકરી ક્લબમાં દૂર-દૂરથી મહિલાઓ શીખવા માટે આવે છે. લોકોને ખાવાનો ક્રેઝ વધારે છે, પરંતુ તે હાઈજેનીક હોવું જોઈએ અને ઘરનું બનાવેલું હોવું જોઈએ. આજના વર્કશોપમાં 8થી 10 પ્રકારની બ્રેડની વાનગી બનાવતા શીખવ્યું છે.
