ભાજપના પૂર્વ સાંસદ દિનુ બોઘાએ હાઇકોર્ટમાં વચગાળા જામીન અરજી કરીઅરજદાર દીનુ બોઘા વતી હાઇકોર્ટમાં દાખલ કરાયેલી વચગાળાની જામીન અરજીમાં રજૂઆત કરવામાં આવી છે. તેમના પરિવારમાં ત્રણ-ત્રણ લગ્ન હોવાથી આશીર્વાદ આપવા માટે 21 દિવસના વચગાળાના જામીન આપવામાં આવે. અરજદારના બંને ભાઈ મૃત્યુ પામ્યા છે. ત્યારે તેમના દીકરાઓના લગ્નમાં હાજર રહેવા મુદ્દે દલીલ કરવામાં આવી છે.
ઉલ્લેખનીય છે કે, દીનુ બોઘા અને અન્ય આરોપીઓ દ્વારા સી.બી.આઈ કોર્ટના આદેશને હાઇકોર્ટમાં પડકાર્યો છે. હાઈકોર્ટે અપીલ અરજીને માન્ય રાખી વધુ સુનાવણી હાથ ધરવાનો આદેશ કર્યો હતો. અમદાવાદની સીબીઆઇ કોર્ટે 11મી જુલાઈના રોજ મુખ્ય આરોપી દીનુ બોઘા, ભત્રીજા શિવ સોલંકી, સહિત કુલ 6 આરોપીઓને આજીવન કેદની સજા ફટકારી હતી. સીબીઆઈ કોર્ટે આરોપીઓને IPCની કલમ 302, 201, 120(b) મુજબ દોષિત જાહેર કર્યા હતા. કોર્ટે આ કેસમાં જુબાનીથી ફરી ગયેલા કુલ 105 સાક્ષીઓ વિરુદ્ધ કાર્યવાહી કરવાનો પણ આદેશ આપ્યો હતો.
ઉલ્લેખનીય છે કે, જુલાઈ 2010માં ગીર સોમનાથના RTI એક્ટિવિસ્ટ અમિત જેઠવાની ગુજરાત હાઇકોર્ટ સામે ગોળીઓ મારીને હત્યા કરી દેવામાં આવી હતી. પોલીસે સમગ્ર કેસની તપાસ કરતા ભાજપના પૂર્વ સાંસદ દીનુ બોઘાનું મુખ્ય આરોપી તરીકે નામ સામે આવ્યું હતું.
