અમદાવાદ : અમદાવાદની જે જી યુનિવર્સિટી દ્વારા ગુના નિવારણ અને સુધારણા પહેલ પર અનિલ પ્રથમ આઇપીએસ, ડીજીપી (પોલીસ સુધારણા) સાથે પોલીસિંગ ફોર પ્રોગ્રેસ પર સેમિનારનું આયોજન કરવામાં આવ્યું હતું.સેમિનારમાં સુરક્ષા સેતુ સોસાયટી, પોલીસ સુધારણા અને રાજ્યમાં પોલીસ વિભાગ દ્વારા હાથ ધરવામાં આવેલી વિવિધ પહેલને લગતા મુખ્ય વિષયો પર ધ્યાન કેન્દ્રિત કરવામાં આવ્યું હતું.
મૂલ્યવાન સમજ પૂરી પાડવાનો હેતુ : અનિલ પ્રથમે પોતાના વકતવ્યમાં વિદ્યાર્થીઓ સાથે સંલગ્ન એવા સુરક્ષા સેતુ સોસાયટીના ઉદ્દેશ્યો, યુવા સશક્તિકરણ, ગુના નિવારણ વ્યૂહરચનાઓ અને પોલીસિંગ સંબંધિત નિર્ણાયક પાસાંઓ પર પ્રકાશ પાડ્યો હતો. સેમિનારનો ઉદ્દેશ્ય સમુદાયની સલામતી વધારવા અને પોલીસ અને જનતા વચ્ચેના બોન્ડને મજબૂત કરવા માટે ગુજરાત સરકારની આગેવાની હેઠળની પરિવર્તનાત્મક પહેલોની મૂલ્યવાન સમજ પૂરી પાડવાનો છે.
જે.જી. યુનિવર્સિટીમાં તેજસ્વી વિદ્યાર્થીઓ સાથે જોડાઈને મને સન્માન મળે છે. સુરક્ષા સેતુ સોસાયટી અને ગુજરાતમાં ચાલી રહેલી અમારી પોલીસ સુધારણા પહેલ સુરક્ષિત સમાજને ઉત્તેજન આપવાની અમારી પ્રતિબદ્ધતાને રેખાંકિત કરે છે. યુવાનોને સશક્ત કરવા, ગુનાખોરીને અટકાવવા અને સમજણ વધારવા માટે તે મહત્વપૂર્ણ છે. પોલીસિંગની મહત્વપૂર્ણ ભૂમિકા સાથે મળીને અમે કાયદાના અમલીકરણ અને સમુદાય વચ્ચે સેતુ બનાવી શકીએ છીએ, સુરક્ષિત અને સુમેળભર્યા ભવિષ્ય માટે પાયો બનાવી શકીએ છીએ... અનિલ પ્રથમ, આઇપીએસ, પોલીસ મહાનિર્દેશક (પોલીસ સુધારણા), ગુજરાત સરકાર
સામાજિક સુખાકારીમાં પોલીસની મુખ્ય ભૂમિકા : જેજી યુનિવર્સિટીના પ્રોવોસ્ટ ડૉ. અચ્યુત દાણીએ આ કાર્યક્રમ વિશે જણાવ્યું હતું કે અનિલ પ્રથમને અમારા કેમ્પસમાં આવકારતા અમે સન્માનિત છીએ. આ એસોસિએશનનો ઉદ્દેશ્ય અમારા આગામી ફોરમ, ઇવેન્ટ્સ, સેમિનારો, ટોક શો સાથે જોડાણનો છે. ઇન્ટરવ્યુ, વર્કશોપ અથવા સેમિનાર દ્વારા અમારા વિદ્યાર્થીઓને સામાજિક સુખાકારીમાં પોલીસની મુખ્ય ભૂમિકા વિશે જ્ઞાન અને જાગરૂકતા સાથે સશક્ત બનાવવાની આકાંક્ષા ધરાવીએ છીએ.
કાયદાના અમલીકરણ અને સામુદાયિક સંબંધોની સમજણ કેળવાઇ : સેમિનારમાં કાયદાના અમલીકરણ અને સામુદાયિક સંબંધોના ગતિશીલ લેન્ડસ્કેપની ઊંડી સમજણને પ્રોત્સાહન આપતા જે જી યુનિવર્સિટીના વિદ્યાર્થીઓ, અધ્યાપકો અને જનતાને પોલીસિંગ ફોર પ્રોગ્રેસની સમજણ કેળવવામાં પ્રોત્સાહિત કરવામાં આવ્યાં હતાં.
