વર્લ્ડ નંબર-1 સ્પેનના રાફેલ નડાલે પ્રથમ સેટમાં હાર બાદ 2 સેટમાં પરત ફરતા ગ્રીસના સ્ટેફાનોસ સિતસિપાસને હરાવી મુબદલા વર્લ્ડ ટેનિસ ચેમ્પિયનશીપનો ખિતાબ જીત્યો છે.
નડાલે ફાઈનલમાં વર્લ્ડ નંબર-6 સિતસિપાસને 6-7 (3-7) 7-5 7-6 (7-3)થી હરાવી ખિતાબ પોતાને નામ કર્યો છે. 19 વખત ગ્રાન્ડ સ્લેમ વિજેતા નડાલનો આ રેકોર્ડ 5મો આબુ ધાબી ખિતાબ છે. નડાલે ગયા માસે એટીપી ફાઈનલમાં પણ સિતસિપાસને 6-7, 6-4, 7-5થી હાર આપી છે.
નડાલ અને સિતપાસ હવે આવતા મહિને રમાનાર વર્ષનો પ્રથમ ગ્રાન્ડ સ્લેમ ઓસ્ટ્રેલિયા ઓપનમાં રમશે.