મુંબઈ: BCCI (Board of Control cricket in India)ના પ્રમુખ સૌરવ ગાંગુલીએ રાજ્ય એકમોને ખાતરી આપી હતી કે બોર્ડ "કોવિડ -19 ના કારણે સર્જાયેલા સંજોગોને નિયંત્રણમાં લાવ્યા પછી ઘરેલુ સિઝન ફરી શરૂ કરવા માટે બધું જ કરશે.
ગાંગુલીએ રાજ્યના સંગઠનોને લખેલા પત્ર
દેશભરમાં કોવિડ-19ના વધતા જતા કેસોએ BCCIને મંગળવારે રણજી ટ્રોફી સહિતની કેટલીક મોટી ટુર્નામેન્ટ્સ મુલતવી રાખવાની ફરજ પડી હતી.આ મહિનાના અંતમાં રણજી ટ્રોફી ( Domestic tournament postponed 2022 )શરૂ થવાની હતી. ગાંગુલીએ રાજ્યના સંગઠનોને લખેલા પત્રમાં કહ્યું, તમે જાણો છો કે કોવિડ-19ની સ્થિતિ બગડવાને કારણે અમારે વર્તમાન સ્થાનિક સિઝનને રોકવી પડી હતી.
ઘણી ટીમોમાં ઘણા પોઝિટિવ કેસ નોંધાયા
રણજી ટ્રોફી અને સીકે નાયડુ ટ્રોફી આ મહિને શરૂ થવાની હતી જ્યારે સિનિયર વિમેન્સ T20 લીગ ફેબ્રુઆરીમાં યોજાવાની હતી.તમામ રાજ્ય એકમોના પ્રમુખો અને સચિવોને મોકલેલા મેલમાં ગાંગુલીએ કહ્યું, "કોવિડ-19ના કેસ ઝડપથી વધી રહ્યા છે અને ઘણી ટીમોમાં ઘણા પોઝિટિવ કેસ નોંધાયા છે. તેમના માટે ખતરો ઉભો થયો છે.
આ પણ વાંચોઃ Ganguly Family Tested Positive : સૌરવ ગાંગુલી બાદ તેના ઘરના ચાર સભ્યો થયા કોવિડથી સંક્રમિત
બોર્ડ ડોમેસ્ટિક સીઝનને ફરીથી શરૂ કરવા માટે બધું જ કરશે
પીટીઆઈ પાસે ગાંગુલી દ્વારા લખાયેલ ઈમેલ છે. ગાંગુલીએ કહ્યું કે બોર્ડ ડોમેસ્ટિક સીઝન ફરી શરૂ કરવા માટે તમામ પ્રયાસ કરશે.બીસીસીઆઈ ખાતરી આપવા માંગે છે કે કોવિડ -19 પરિસ્થિતિ નિયંત્રણમાં આવતાની સાથે જ બોર્ડ ડોમેસ્ટિક સીઝનને ફરીથી શરૂ કરવા માટે બધું જ કરશે."ગાંગુલીએ કહ્યું, "અમે આ સિઝનની બાકીની ટૂર્નામેન્ટનું આયોજન કરવા માટે પ્રતિબદ્ધ છીએ. બોર્ડ ટૂંક સમયમાં તમારી પાસે સુધારેલી યોજના સાથે પાછા આવશે. તમારા સહકાર અને સંજોગોને સમજવા બદલ હું તમારો આભારી છું. તમારી સંભાળ રાખો અને સુરક્ષિત અને સ્વસ્થ રહો.
રણજી ટ્રોફીની શરૂઆત
13 જાન્યુઆરીથી શરૂ થનારી રણજી ટ્રોફીની શરૂઆત પહેલા બંગાળ ટીમના સાત સભ્યો અને મુંબઈ ટીમના વીડિયો એનાલિસ્ટ સાથે ભારતીય ઓલરાઉન્ડર શિવમ દુબે કોવિડ-19 પોઝિટિવ હોવાનું જાણવા મળ્યું હતું.2020-2021નું સત્ર પણ મહામારીને કારણે થઈ શક્યું નથી.
આ પણ વાંચોઃ Athlete of the Year Award 2020: ભારતના આ હોકી ખેલાડીઓ વર્ષના સર્વશ્રેષ્ઠ રમતવીરની રેસમાં સામેલ, જાણો નામ
