- છેલ્લા ઘણા સમયથી કોહલી કેપ્ટનશીપથી હટશે તેવી ચર્ચા
- સીમિત ઑવરોના કેપ્ટન તરીકે વિરાટ કોહલી હટે તેવી અટકળો વચ્ચે BCCIની સ્પષ્ટતા
- BCCIના ટોચના અધિકારી અરુણ ધૂમલે મીડિયા રિપોર્ટ્સ ફગાવ્યા
નવી દિલ્હી: ભારતીય ક્રિકેટ કંટ્રોલ બૉર્ડ (BCCI)ના ખજાનચી અરુણ ધૂમલે સોમવારના એ તમામ રિપોર્ટો ફગાવ્યા જેમાં એ કહેવામાં આવ્યું હતું કે વિરાટ કોહલી આઈસીસી ટી-20 વિશ્વ કપ પછી સીમિત ઑવરોના કેપ્ટનશીપ પદેથી રાજીનામું આપી શકે છે. એવા રિપોર્ટ આવ્યા હતા કે જો ભારત ઑક્ટોબર-નવેમ્બરમાં UAEમાં થનારા ટી-20 વર્લ્ડ કપને જીતવામાં અસફળ રહે છે તો કોહલી પાસેથી સીમિત ઑવરોની કેપ્ટનશીપ છીનવાઈ શકે છે. તેની જગ્યાએ રોહિત શર્મને આની જવાબદારી મળશે.
રોહિત શર્માને કેપ્ટનશીપ આપવાની ચાલી રહી હતી ચર્ચા
જો કે ધૂમલે આ દાવાને સંપૂર્ણ રીતે ફગાવ્યા છે. ધૂમલે કહ્યું કે, આ બકવાસ છે અને આવું કશું થવા નથી જઈ રહ્યું. આ વિશે ફક્ત મીડિયામાં ચર્ચાઓ ચાલી રહી છે. BCCIએ આ મામલે કોઈ ચર્ચા નથી કરી. આ પહલા એવો રિપોર્ટ આવ્યો હતો કે, કોહલી ટેસ્ટ ક્રિકેટમાં ઘણો સફળ છે, પરંતુ સીમિત ઑવરોની ICC ઇવેન્ટમાં તેમની અસફળતાના કારણે રોહિતને આની જવાબદારી આપવામાં આવી શકે છે.
કોહલીના નિર્ણયથી BCCI હતું નારાજ?
સૂત્રોએ જણાવ્યું હતું કે, BCCIના ટોચના અધિકારીઓ ઇંગ્લેન્ડમાં વર્લ્ડ ટેસ્ટ ચેમ્પિયનશિપની ફાઇનલમાં ન્યૂઝીલેન્ડ સામે ભારતની હાર બાદથી જ આ મુદ્દે ચર્ચા કરી રહ્યા છે, જ્યાં તેઓ ભારતીય કેપ્ટનની ટીમ પસંદગીથી કથિત રીતે નાખુશ હતા. કોહલીએ ઝડપી બોલરો માટે અનુકૂળ અને વાદળછાયા વાતાવરણમાં WTC ફાઇનલ દરમિયાન બે સ્પિનરો રમાડ્યા હતા. જોકે, ધૂમલે કહ્યું કે આવી કોઈ બેઠક થઈ નથી.
વધુ વાંચો: ઓક્ટોબર-નવેમ્બરમા યોજાનારી T20 વર્લ્ડ કપ પછી વિરાટ કોહલી કેપ્ટનશીપ છોડે તેવી શક્યતા
વધુ વાંચો: T-20 વર્લ્ડ કપ ટીમનું કરવામાં આવ્યું એલાન
