નવી દિલ્હીઃ IPL 2023નો ઉત્સાહ લોકોમાં જોવા રહ્યો છે. તો બીજી તરફ સટોડિયાઓ માટે તે કમાણીનું સાધન બની ગયું છે. આટલી કડકાઈ છતાં બુકીઓનો જુસ્સો ઊંચો છે અને આ ટૂર્નામેન્ટમાં સટ્ટાબાજીની પ્રક્રિયા અટકવાનું નામ નથી લઈ રહી. રોયલ ચેલેન્જર્સ બેંગ્લોરના ફાસ્ટ બોલર મોહમ્મદ સિરાજે IPLમાં મેચ ફિક્સિંગને લઈને મોટો ખુલાસો કર્યો છે. સિરાજે ભારતીય ક્રિકેટ કંટ્રોલ બોર્ડના ભ્રષ્ટાચાર વિરોધી એકમને મેચમાં સટ્ટાબાજીની ઘણી માહિતી આપી છે. તેણે તો ત્યાં સુધી કહ્યું છે કે, આવા કોઈ અજાણ્યા વ્યક્તિએ તેનો સંપર્ક પણ કર્યો હતો.
ટીમની અંદરની માહિતી મેળવવાનો પ્રયાસ કરી રહ્યો હતો: મોહમ્મદ સિરાજે BCCIના ભ્રષ્ટાચાર વિરોધી એકમને જણાવ્યું કે, કોઈએ તેમનો સંપર્ક કર્યો હતો. તે અજાણ્યો વ્યક્તિ સિરાજ પાસેથી રોયલ ચેલેન્જર્સ બેંગ્લોર ટીમની અંદરની માહિતી મેળવવાનો પ્રયાસ કરી રહ્યો હતો. તેણે સિરાજને કહ્યું હતું કે, ગત IPL 2022માં તે RCB પર પૈસા લગાવીને સટ્ટાબાજીમાં હારી ગયો હતો. તેથી જ સિરાજ પાસેથી જાણવા માંગતો હતો કે આ વખતે ટીમનો પ્લાન શું હશે. આ પછી સિરાજે એસીયુને તેના વિશે જણાવ્યું. પીટીઆઈ ભાષાના અહેવાલો અનુસાર, એક અજાણ્યા વ્યક્તિએ મોહમ્મદ સિરાજ સાથે ફોન પર વાતચીત કરી હતી.
આ પણ વાંચો:BCCI Take Action On Virat Kohli : BCCIએ કિંગ કોહલી પર ફટકાર્યો દંડ, IPLના નિયમનું કર્યુ હતું ઉલ્લંઘન
આરોપીની ધરપકડ કરી: મોહમ્મદ સિરાજને અજાણ્યા વ્યક્તિનો ફોન આવતાની સાથે જ તેણે તરત જ ACU અધિકારીઓને જાણ કરી હતી. BCCI બોર્ડના એક સૂત્રના જણાવ્યા અનુસાર, સિરાજનો સંપર્ક કરનાર હૈદરાબાદનો ડ્રાઈવર હતો જે મેચ પર સટ્ટાબાજીનો વ્યસની હતો. ગત IPL સિઝનમાં તેણે સટ્ટાબાજીમાં ઘણા પૈસા ગુમાવ્યા હતા. જેના કારણે આઈપીએલની આ સિઝનમાં તે ફરીથી સટ્ટો રમીને પૈસા કમાવવા માંગતો હતો. એટલા માટે તેણે ટીમ વિશે માહિતી મેળવવા માટે સિરાજનો સંપર્ક કર્યો હતો. હાલમાં, સિરાજની સૂચના પર, કાયદા અમલીકરણ અધિકારીઓએ આરોપીની ધરપકડ કરી છે. હવે તેની પૂછપરછ કરવામાં આવી રહી છે.
આ પણ વાંચો: Sachin Tendulkar React : સચિને મુંબઈ ઈન્ડિયન્સની જીત અને પુત્રની બોલિંગ પર ખુશ થઈ કર્યુ આ ટ્વીટ
