આજે આપણે લોકોના દિલામાં વસનાર મલ્હારના દિલની વાત કરીશું. સમગ્ર ઘટના કંઈક એવી છે કે, નમસ્તે ઈંગ્લેન્ડના પ્રમોશન માટે બોલીવૂડ અભિનેત્રી પરિણીતી ચોપરા ગુજરાતની મુલાકાતે આવી હતી ત્યારે મલ્હાર અને પરિણીતીની મુલાકાત થઈ હતી. જે બાદ મલ્હારે પરિણીતી પર ક્રશ હોવાની વાત સ્વીકારી હતી.
જો કે, અભિનેત્રી પરિણીતીએ પોતાની એક ઈન્સ્ટાગ્રામ પોસ્ટમાં મલ્હારને ક્યુટ કહ્યો હતો. પરિણીતીએ એક સવાલનો જવાબ આપતા પોતાની ઈન્સ્ટાગ્રામ પોસ્ટમાં લખ્યું હતું કે, 'હું અમદાવાદમાં મલ્હારને મળી હતી. તે ખૂબ જ ક્યુટ છે.' આ બાબાતે મલ્હારે પણ પરિણીતીનો જવાબ પોતાની ઈન્સ્ટાસ્ટોરી પર રિપોસ્ટ કરતા લખ્યું કે, 'પરિણીતી તું મારા કરતા પણ વધુ ક્યુટ છે.'
મલ્હાર ઠાકર વિશે રસપ્રદ વાતો:
ગુજરાતી ફિલ્મ ઈન્ડસ્ટ્રી એટલે કે ઢોલીવૂડમાં મલ્હાર ઠાકર એક ઉભરતો કલાકાર છે. જેને છેલ્લો દિવસ, પાસપોર્ટ, થઈ જશે, શું થયું, શરતો લાગુ અને લવની ભવાઈ જેવી જોરદાર ગુજરાતી ફિલ્મોમાં કામ કર્યું છે. ખાસ કરીને અર્બન ગુજરાતીઓને મનોરંજન પૂરું પાડનાર મલ્હારનો જન્મ 28 જૂન, 1990ના રોજ સિદ્ધપુરમાં થયો હતો અને ઉછેર અમદાવાદમાં થયો.
- અમદાવાદની નવરંગ સ્કૂલમાં ધોરણ-10 સુધી અભ્યાસ કર્યો
- શેઠ સી એન વિદ્યાલયમાં ધોરણ-11/12માં આર્ટ્સનો અભ્યાસ કર્યો
- મલ્હારે કોલેજનું શિક્ષણ મુંબઈથી મેળવ્યું.
- મુંબઈમાં અનેક ગુજરાતી નાટકોમાં એક્ટિંગ કરી
- મલ્હાર બાળપણથી જ એક્ટર બનવા માગતો હતો
- મલ્હાર સાહિત્યના વિષયો જેવા કે અંગ્રેજી અને ગુજરાતીમાં ક્લાસમાં સૌથી વધુ માર્ક્સ લાવતો
- મલ્હારને ખૂબ સારો વોલીબોલ અને હેન્ડબોલ રમતા આવડે છે
- એકિટંગ સિવાય કવિતા વાંચવા-લખવાના શોખીન મલ્હારે મુંબઈમાં કપરો સંઘર્ષ કર્યો
- ગુજ્જુ ફિલ્મ ‘છેલ્લો દિવસ’થી મલ્હાર લોકપ્રિય થયો
- વર્ષ 2012માં ફિલ્મ ‘કેવી રીતે જઈશ’માં નાની ભૂમિકા ભજવી હતી
- લોકપ્રિય ટીવી સિરિયલ ‘તારક મહેતા કા ઉલ્ટા ચશ્મા’માં પણ મલ્હાર કામ કર્યું
- વર્ષ 2013માં એક એપિસોડમાં જેઠાલાલના મિત્ર પરાગનું પાત્ર ભજવ્યું
- આજે મલ્હારે પોતાનું પ્રોડક્શન હાઉસ બનાવ્યું,
- છેલ્લે દિવસ ફિલ્મ બાદ સાહેબ નામની ફિલ્મમાં મલ્હારે જોરદાર એક્ટિંગ કરી