- ભારત આગામી વર્ષના ત્રિમાસિક ગાળામાં ચંદ્ર પર પોતાનું ત્રીજુ મિશન ચંદ્રયાન-3 લોન્ચ કરી શકે છે
- કોરોના વાયરસની મહામારીના કારણે અંતરિક્ષયાનમાં થોડું મોડું થયું છે
- આ કામગીરી પૂર્ણ થવાના અંતિમ તબક્કામાં છે
નવી દિલ્હી: અંતરિક્ષ રાજ્ય પ્રધાન ડો. જીતેન્દ્ર સિંહે જણાવ્યું હતું કે, ભારત આગામી વર્ષના ત્રિમાસિક ગાળામાં ચંદ્ર પર પોતાનું ત્રીજુ મિશન ચંદ્રયાન-3 લોન્ચ કરી શકે છે. કોરોના વાયરસની મહામારીના કારણે અંતરિક્ષયાનમાં થોડું મોડું થયું છે. કાર્યની તાજેતરની સ્થિતિને જોતા આગામી વર્ષના ત્રિમાસિક ગાળા સુધી ચંદ્રયાન-3ને લોન્ચ કરવામાં આવશે તેવી શક્યતા છે.
આ પણ વાંચો- ભારત 2021 ની શરૂઆતમાં લૉન્ચ કરી શકે છે ચંદ્રયાન 3 મિશન
ચંદ્રયાન-3 ના કામમાં વિવિધ પ્રક્રિયાઓ શામેલ છે
ચંદ્રયાન-3 ના કામમાં વિવિધ પ્રક્રિયાઓ જેવી કે રૂપરેખાઓને અંતિમ રૂપ આપવું, પેટા પ્રણાલીઓનું નિર્માણ, એકત્રીકરણ, અવકાશયાન કક્ષાના વિગતવાર પરીક્ષણો અને પૃથ્વી પરના પ્રણાલીના પ્રભાવનું મૂલ્યાંકન કરવા માટેના કેટલાક વિશેષ પરીક્ષણો શામેલ છે.
આ પણ વાંચો- 2021ની શરૂઆતના 6 મહીનામાં લોન્ચ થઇ શકે છે ચંદ્રયાન-3
કોવિડ -19 મહામારીના કારણે કામની પ્રક્રિયા ખોરવાઈ ગઈ હતી
અંતરિક્ષ રાજ્ય પ્રધાન ડો. જીતેન્દ્ર સિંહે કહ્યું હતું કે, કોવિડ -19 મહામારીના કારણે કામની પ્રક્રિયા ખોરવાઈ ગઈ હતી. અનલોકનો સમયગાળો શરૂ થયા પછી, ચંદ્રયાન -3 પર કામ ફરી શરૂ થયું અને હવે આ કામગીરી પૂર્ણ થવાના અંતિમ તબક્કામાં છે.
