મુંબઈ: મિડલ ક્લાસની ફેમિલી ડ્રામા ફિલ્મ 'જરા હટકે જરા બચકે'એ તારીખ 2જી જૂને બોક્સ ઓફિસ પર જબરદસ્ત ઓપનિંગ કરી હતી. આ ફિલ્મ તેના પ્રથમ સપ્તાહના અંત સુધી બોક્સ ઓફિસ પર પોતાનો દબદબો ધરાવે છે. ફિલ્મ રિલીઝ થયાને 5 દિવસ થઈ ગયા છે અને હવે ફિલ્મ 7મી જૂને રિલીઝ થયાના છઠ્ઠા દિવસે ચાલી રહી છે.
બોક્સ ઓફિસ કલેક્શન: ચોથા અને હવે પાંચમા દિવસે ફિલ્મનું બોક્સ ઓફિસ કલેક્શન જણાવે છે કે, ફિલ્મ હવે વધુ ચાલશે નહીં. હવે ફિલ્મની પાંચમા દિવસની કમાણી સામે આવી છે. આ ફિલ્મે વિશ્વવ્યાપી બોક્સ ઓફિસ પર પાંચમા દિવસે 3.87 કરોડ રૂપિયા અને સ્થાનિક બોક્સ ઓફિસ પર 2.27 કરોડ રૂપિયાની કમાણી કરી છે. ફિલ્મની કુલ કમાણી 30.60 કરોડ રૂપિયા થઈ ગઈ છે.
5 દિવસનું કલેક્શન: ફિલ્મે વિશ્વભરમાં પહેલા દિવસે 5.49 કરોડ, બીજા દિવસે 7.20 કરોડ, ત્રીજા દિવસે 9.90 કરોડ, ચોથા દિવસે 4.14 કરોડ અને પાંચમાં દિવસે 3.87 કરોડની કમાણી કરી છે. બીજી તરફ, સ્થાનિક બોક્સ ઓફિસ પર ફિલ્મની પહેલા દિવસે દૈનિક કમાણી 3.35 કરોડ, બીજા દિવસે 4.55 કરોડ, ત્રીજા દવસે 5.78, ચોથા દિવસે 2.40 અને 5માં દિવસે 2.27 કરોડ છે.
સિદ્ધિવિનાયક મંદિર પહોંચ્યા: ફિલ્મની આવી સફળતા જોઈને, ફિલ્મની મુખ્ય જોડી વિકી અને સારા મુંબઈના સિદ્ધિવિનાયક મંદિર પહોંચ્યા હતા. આ દરમિયાન ત્યાંના લોકોને મીઠાઈ વહેંચી હતી. વિકી અને સારા અહીં મેચિંગ ક્રીમ રંગના આઉટફિટ્સમાં જોવા મળે છે. ફિલ્મના 5 દિવસના કલેક્શનને સફળ ગણીને વિકી અને સારા ચાહકોને મીઠાઈ ખવડાવી રહ્યા છે.
