- કોંગ્રેસ પક્ષના કોર્પોરેટરોએ આપી સહાય
- રૂપિયા 10 લાખની ફાળવી ગ્રાન્ટ
- ગ્રાન્ટ ફાળવવાનો પત્ર વોર્ડના ડેપ્યુટી ઇજનેરને આપ્યો
રાજકોટ: મહાનગરપાલિકાના વોર્ડ નં. 15નાં કોંગ્રેસ પક્ષના કોર્પોરેટરો વશરામભાઇ સાગઠીયા, મકબુલભાઇ દાઉદાણી, ભાનુબેન સોરાણી અને કોમલબેન ભારાઇએ પોતાના વોર્ડના વિકાસ માટે ફાળવવામાં આવેલી ગ્રાન્ટમાંથી પોતાના જ વોર્ડ નં. 15માં રૂપિયા 10 લાખ પુરી ગ્રાન્ટ ફાળવવાનો પત્ર વોર્ડના ડેપ્યુટી ઇજનેરને આપ્યો છે. તેમજ જણાવ્યું છે કે, કોરોના મહામારી દરમિયાન સારવાર માટે જરૂરી સામગ્રી આ રૂપિયામાંથી ખરીદી કરીને વિસ્તારવાસીઓને મદદરૂપ થાય.
આ પણ વાંચો: જાગૃત નાગરિકે 2 કરોડ રૂપિયાની કોવિડ ગ્રાન્ટ મામલે મેયર, ભાજપના કોર્પોરેટરને પાઠવ્યું આવેદન પત્ર
4 કોર્પોરેટરોએ અઢી-અઢી લાખ ફાળવ્યા
કોર્પોરેટરોએ વિસ્તારના નાગરીકોને કોરાનાની દવા ઇન્જેક્શનો, ઓક્સિજન વગેરે જરૂરી ટેસ્ટીંગ કિટ જેવી જરૂરી વસ્તુઓ ખરીદવા માટે કોંગ્રેસના ચારેય કોર્પોરેટર ગ્રાન્ટમાં જ ચારેયના ખાતામાંથી અઢી-અઢી લાખ રૂપિયાની ગ્રાન્ટ ફાળવવામાં આવી છે. વોર્ડ નં. 15નાં લોકોને જરૂરીયાત મુજબ દવાઓ સહિતની સુવિધાઓ પુરતા પ્રમાણમાં મળી રહે તેવા શુભ આશયથી કોંગી કોર્પોરેટરો દ્વારા આ ગ્રાન્ટ ફાળવવામાં આવી છે.
આ પણ વાંચો: લુણાવાડામાં સાંસદની ગ્રાન્ટ ફાળવણી બાદ ઓક્સિજન પ્લાન્ટ શરૂ થશે
વધારે ગ્રાન્ટ ફાળવવાની દર્શાવી તૈયારી
હજી જરૂર જણાશે તો વધારે ગ્રાન્ટ ફાળવવાની પણ પણ કોર્પોરેટરોએ તૈયારી દર્શાવી છે. આ સાથે જ કોર્પોરેટરોએ મનપાના અધિકારીઓને અપીલ પણ કરી છે કે તેમના વોર્ડમાં જ નાના અને ગરીબ લોકોની સેવા-સુવિધામાં જ તેમની ગ્રાન્ટ વાપરવી.
