જામનગરના ટાઉનહોલમાંથી બે મનપાના કર્મી સહિત 6 પીધેલી હાલતમાં ઝડપાયા

• જામનગરના ટાઉન હોલમાંથી 6 નશામાં ધૂત ઝડપાયા
• બે મનપાના કર્મીચારીઓનો પણ સમાવેશ
• જામનગર મનપાના બે કર્મચારી સહિત 6 પીધેલી હાલતમાં ઝડપાયા

જામનગર: મહાનગરપાલિકા સંચાલિત ટાઉનહોલમાં અવારનવાર દારૂની મહેફિલો જામતી હોવાની વિગતો બહાર આવતી હોય છે. ગઈકાલે જામનગર પોલીસે ટાઉનહોલમાં ચોક્કસ બાતમીના આધારે દરોડો પાડતાં છ જેટલા દારૂડિયા ઝડપાયા છે જેમાં બે મહાનગરપાલિકાના કર્મચારીઓનો પણ સમાવેશ થાય છે.

આ પણ વાંચો: ડાંગ પોલીસે ફિલ્મી ઢબે 4 બુટલેગરોની બનાવટી દારુ સાથે ધરપકડ કરી

છ દારૂડિયા સામે સીટી બી ડિવિઝનમાં ગુનો નોંધાયો

બીપીનભાઇ ભગવાનજીભાઇ ચુડાસમા, લલીતભાઇ રમણીકભાઇ કણજારીયા, કમલેશભાઇ રણછોડદાસ માંડવીયા, જીજ્ઞેશભાઇ નાનજીભાઇ જોષી, પ્રકાશસિંહ મહોબતસિંહ ગોહિલ, યુવરાજસિંહ મહેન્દ્રસિંહ જાડેજા તમામ છ દારૂડિયા સામે સીટી બી ડિવિઝનમાં ગુનો નોંધાયો છે અને તેમની સામે કાયદેસરની કાર્યવાહી કરવામાં આવી છે. ગઈકાલે પોલીસને ચોક્કસ બાતમી મળી હતી જેને આધારે પોલીસે ટાઉન હોલમાં દરોડા પાડ્યા હતા.

આ પણ વાંચો: વડોદરા: 8 ખાનદાની નબીરાઓ દારૂ પાર્ટી કરતા ઝડપાયા