ગાંધીનગર ગુજરાતમાં ચોમાસાની સિઝનમાં અત્યાર સુધીમાં કુલ 100.98 ટકા જેટલો વરસાદ થયો છે. જ્યારે ગત વર્ષે આ સમયે રાજ્યમાં42.35 ટકા વરસાદ નોંધાયો હતો. રાજ્યમાં સાર્વત્રિક વરસાદના પરિણામે કુલ 86 લાખ હેક્ટર વિસ્તારની સામે ચાલુ સિઝનમાં 82 લાખથી વધુ હેક્ટર વિસ્તારમાં એટલે કે 95 ટકાથી વધુ ખરીફ પાકનું વાવેતર થયું છે તેમ રાહત કમિશનર હર્ષદ પટેલે જણાવ્યું હતું.
વેધર વોચ ગ્રુપની બેઠક રાહત કમિશનર હર્ષદ પટેલના અધ્યક્ષસ્થાને આજે સ્ટેટ ઇમરજન્સી ઓપરેશન સેન્ટર- SEOC ગાંધીનગર ખાતે વેધર વોચ ગ્રુપની બેઠક યોજાઇ હતી. તેમણે રાજ્યના જળાશયોની વિગતો આપતાં જણાવ્યું હતું કે ઉપરવાસમાં ભારે વરસાદના પરિણામે ગુજરાતની જીવાદોરી સમાન સરદાર સરોવર ડેમ સપાટી 136.7 મીટર સુધી પહોંચી છે એટલે કે ડેમમાં 93.42ટકા પાણીનો સંગ્રહ થયો છે. આ ઉપરાંત રાજયનાં 206 જળાશયોમાં 442625 એમસીએફટી પાણીનો સંગ્રહ છે, જે કુલ સંગ્રહ શકિતના 79.30 ટકા જેટલો છે. હાલમાં રાજ્યમાં 98 જળાશય હાઇ એલર્ટ, 18 જળાશય એલર્ટ અને 14 જળાશય વોર્નીગ ૫ર છે.
આ પણ વાંચો નોરતામાં વરસાદ બનશે વિલન, હવામાન ખાતાએ ખેલૈયાઓ માટે માઠા વાવડ આપ્યા
હવામાન વિભાગની આગાહી હવામાન વિભાગના નિયામક મનોરમા મોહંતીએ વરસાદની વિગતો આપતાં કહ્યું હતું કે સૌરાષ્ટ્ર, દક્ષિણ ગુજરાત અને ઉતર ગુજરાતના કેટલાક જિલ્લાઓમાં હળવો વરસાદ ૫ડવાની સંભાવના છે. રાજયમાં હાલ અમરેલી બનાસકાંઠા ભાવનગર દેવભૂમિદ્વારકા ગીરસોમનાથ જામનગર જૂનાગઢ કચ્છ નવસારી રાજકોટ સુરત અને વલસાડમાં NDRFની એક એક ટીમ મળી કુલ 12 ટીમો તહેનાત કરાઈ છે. તથા 1 ટીમ ગાંધીનગર અને 2 ટીમો વડોદરા ખાતે એમ કુલ 3 ટીમો રીઝર્વ છે. તેમજ રાજયમાં હાલ SDRFની કુલ 11 પ્લાટુન રીઝર્વ છે.
આ પણ વાંચો ગુજરાતમાં આ વર્ષે સો ટકા વરસાદ, રાજ્યના જળાશયોમાં પાણીની મોટી આવક
કોણ રહ્યું હાજર આ બેઠકમાં ઊર્જા, આરોગ્ય, માર્ગ અને મકાન, GSRTC, CWC, કોસ્ટ ગાર્ડ, પંચાયત, ફિશરીઝ, કૃષિ-પશુપાલન, ફોરેસ્ટ, શહેરી વિકાસ, GMB સહિતના અધિકારીઓએ હાજર રહી જરૂરી વિગતો આપી હતી. Monsoon Gujarat 2022 , Rainfall in Gujarat Aug 2022 , Weather Watch Group meeting , Rain Forecast Gujarat August 2022 ચોમાસુ ગુજરાત 2022 , ગુજરાતમાં ઓગસ્ટ 2022માં વરસાદ ,વેધર વોચ ગ્રુપની બેઠક , ગુજરાતમાં ઓગસ્ટ 2022 વરસાદની આગાહી
