ભાજપની સેન્સમાં સોશિયલ ડિસ્ટન્સના ધજાગરા

સ્થાનિક સ્વરાજ્યની ચૂંટણી જાહેર થઇ ચૂંકી છે. ત્યારે ભાવનગરમાં ચૂંટણી જાહેર થયા બાદ ભાજપે સેન્સ લેવાનો પણ પ્રારંભ કરી દીધો છે. ભાજપના પ્રથમ સેન્સમાં લોકોની ભીડ ઉમટી હતી. આ કાર્યક્રમમાં કોરોના ગાઇડલાઇનનો ભંગ કરતા દ્રશ્યો સર્જાયા હતા.

• સોશિયલ ડિસ્ટન્સના લીરા ઉડાવી રહ્યું છે ભાજપ
• સેન્સમાં લોકોનું માનવ મહેરામણ ઉમટ્યું
• ભાવનગરમાં કોરોના ગાઇડલાઇનનો ભંગ

ભાવનગર : વડાપ્રધાન નરેન્દ્ર મોદીએ કોરોના મહામારીથી બચવા દો ગજકી દૂરી માસ્ક હે જરૂરીનો સંદેશ આપી રહ્યા છે. ત્યારે તેમના જ પક્ષ ભારતીય જનતા પાર્ટી દ્વારા આ સ્લોગનના ધજાગરા કરવામાં આવી રહ્યા હોવાના અહેવાલો સતત સામે આવી રહ્યા છે. જે કારણે જનતા ભાજપને સવાલ કરી રહી છે કે, શુ કાયદો પ્રજા માટે છે? નેતાઓ અને રાજકીય પક્ષો બેફામ બની રહ્યા છે અને કોરોનાના નિયમોનું વારંવાર ઉલ્લંઘન કરી રહ્યા છે. સામાન્ય માણસ ડરતા ડરતા લગ્ન પ્રસંગનું આયોજન કરે છે, જો માસ્ક ન પહેર્યું હોય તો દંડ પણ ભરી રહ્યો છે.

ભાવનગરમાં કોરોના ગાઇડલાઇનનો ભંગ

ભાજપની ચૂંટણી પ્રક્રિયા : અકવાડા સહજાનંદ ગુરુકુળમાં દરેક દાવેદારને સાંભળવામાં આવ્યા

ભાવનગરમાં ભાજપએ ચૂંટણીને લઈને પહેલા ફોર્મ વિતરણ કર્યું હતું. જે બાદ ફોર્મ સ્વીકારવામાં આવ્યા છે. આશરે 800 કરતા વધુ ફોર્મ વિતરણ થયા છે. જેમાંથી 650થી વધુ ફોર્મ પરત મેળવ્યા બાદ 9 નિરીક્ષકો દ્વારા અકવાડા સહજાનંદ ગુરુકુળમાં દરેક દાવેદારને સાંભળવામાં આવ્યા છે. લોકોની ભીડ ઉમટી પડી હતી. તો ભાજપ પણ કેસરિયો લહેરાવા ઉત્સુક થઈને ચૂંટણી કામગીરીમાં જોડાઇ ગયું છે.

ભાજપની સેન્સમાં સોશિયલ ડિસ્ટન્સના ધજીયા ઉડ્યા

કેન્દ્ર સરકાર અને રાજ્ય સરકારે કોરોનાકાળમાં અનેક ગાઈડલાઈન્સ જાહેર કરી અને કડકમાં કડક નિયમો બનાવ્યા હતા. સુપ્રીમ કોર્ટે પણ હસ્પક્ષેપ કરીને સરકાર સામે લાલ આંખ કરી હતી. જોકે, સરકારના જ પ્રધાનો અને રાજકીય નેતાઓએ ભીડ ભેગી કરવામાં કાંઈ બાકી રાખ્યું નથી. પ્રજા માસ્ક ન પહેરે તો દંડ, સોશિયલ ડિસ્ટન્સનું પાલન ન કરે તો દંડ અને શુભ પ્રસંગમાં ભીડ ભેગી કરે તો દંડ, પણ રાજકીય નેતાઓ આ નિયમોનું પાલન ન કરે તો કોઈ કાર્યવાહી નહીં.

આમ જનતા કરે તો દંડ, રાજનેતા કરે તો કોઇ કાર્યવાહી નહીં