ડુંગળીનો ઓછો ભાવ મળતા ભાવનગરના ખેડૂતે જીવન ટૂંકાવ્યું

ભાવનગર જિલ્લાના ઇસોરા ગામે ગુરુવારે એક ખેડૂતે પોતાના ખેતરમાં એક વૃક્ષ નીચે લટકીને આત્યમહત્યા કરી છે. ભૂપતભાઈ જેઠવા નામના આધેડે ડુંગળીનું વાવેતર કર્યું હતું. જેની પૂરતી કિંમત નહીં મળવાથી આ ખેડૂતે પોતાના ખેતરમાં આત્મહત્યા કરી છે.

ભાવનગરઃ તળાજાના ઈસોરા ગામના એક ખેડૂતે પોતાના ખેતરમાં ગળેફાંસો ખાઈને આત્મહત્યા કરી છે. આ ખેડૂતે 2 વિઘા જમીનમાં ડુંગળીનું વાવેતર કર્યું હતું. જેની યોગ્ય કિંમત નહીં મળતાં આ ખેડૂતે પોતાનું જીવન ટૂંકાવ્યું છે. આ ઘટના અંગે પોલીસને જાણથતાં પોલીસે આગળની કાર્યવાહી હાથ ધરી છે.

ઉલ્લેખનીય છે કે, સમગ્ર દેશમાં ખેતીને લગતી સમસ્યાને કારણે ખેડૂતોની આત્મહત્યાના સમાચાર અવાર-નવાર જોવા મળે છે. આ આપઘાતમાં મોટા ભાગે પાકની કિંમત ઓછી મળવા અને દેવું વધવાથી આત્મહત્યા કરી હોવાનું જાણવા મળ્યું છે.