સાબરમતી નદીમાં સી-પ્લેનના ઉતરાણ માટે જમાલપુર બ્રિજ પર સૂચક સાઈન બોર્ડ લગાવવામાં આવ્યા

વડાપ્રધાન નરેન્દ્ર મોદી 31 ઓક્ટોબરે ગુજરાત આવશે કે નહીં તેને લઈને જાતજાતની સંભાવના વ્યક્ત કરવામાં આવી રહી છે. જોકે અમદાવાદમાં આંબેડકર બ્રિજ અને જમાલપુર બ્રિજની વચ્ચે સી-પ્લેનની ઉડાનને લઈને તાડામાર તૈયારીઓ ચાલી રહી છે.

• વડાપ્રધાન મોદી 31 ઓક્ટોબરે ગુજરાતની મુલાકાતે
• સી પ્લેનની પ્રથમ ફ્લાઇટનું ઉદ્ઘાટન
• સી પ્લેનના સૂચક સાઈન બોર્ડ જમાલપુર બ્રિજ પર લગાવ્યા

અમદાવાદ : આગામી 31 ઓક્ટોબરે રાષ્ટ્રીય એકતા દિવસ નિમિત્તે વડાપ્રધાન નરેન્દ્ર મોદી ગુજરાત આવશે અને અમદાવાદના સાબરમતી રિવરફ્રન્ટ ખાતેથી સી પ્લેનની પ્રથમ ફ્લાઇટનું ઉદ્ઘાટન કરી ત્યાંથી કેવડિયા ખાતે સ્ટેચ્યુ ઓફ યુનિટી પહોંચશે. આ તમામ કાર્યક્રમને લઈને તંત્ર દ્વારા તડામાર તૈયારીઓ કરવામાં આવી રહી છે.

સૂચક સાઈન બોર્ડ

સૂચક સાઈન બોર્ડ

સી-પ્લેન માટે જરૂરી ઇન્ટરનેશનલ કક્ષાની કામગીરીઓ પૂર્ણ થવા જઈ રહી છે. જેમાં આજે રવિવારે જમાલપુર બ્રિજ ઉપર સી-પ્લેનના ઉતરાણ માટે સૂચક સાઈન બોર્ડ લગાવવામાં આવ્યા હતા. પાઇલોટ પોતાના કેબિનમાંથી સાઈન બોર્ડ જોઈને રનવેની દિશા અને ઉત્તરાણ નક્કી કરી શકશે. ખૂબ જ યુનિક પ્રકારના આ સાઇનબોર્ડ છે.

આ પણ વાંચો : 31 ઑક્ટોબરે અમદાવાદથી સી-પ્લેનની પ્રથમ ઉડાનને લઈને તડામાર તૈયારીઓ...

સ્થાનિક તંત્રની તૈયારીઓને જોતા પીએમ નરેન્દ્ર મોદી રાષ્ટ્રીય એકતા દિવસ નિમિત્તે અમદાવાદના સાબરમતી રિવરફ્રન્ટ પર આવશે અને ત્યાંથી સી-પ્લેન દ્વારા કેવડિયા કોલોની ખાતે ઉડાન ભરશે તેમ કહી શકાય.