નવી દિલ્હી: વિશ્વમાં સ્ટાર્ટઅપ સહિત ટેક કંપનીઓ (ટેક કંપનીઓ)એ છેલ્લાં બે વર્ષમાં 4 લાખથી વધુ કર્મચારીઓને બરતરફ કરી ચુકી છે. જેમાં સ્ટાર્ટઅપ સહિત ટેક કંપનીઓમાં વિશ્વની ટોચની કંપનીઓ પણ સામેલ છે. એટલું જ નહીં આ કંપનીઓમાં ભારતની 10 થી વધુ કંપનીઓ પણ સામેલ છે. જેમાં 30 હજાર થી વધુ કર્મચારીઓને બરતરફ કરવામાં આવ્યાં છે. વૈશ્વિક વ્યાપક આર્થિક સ્થિતિઓનું કારણ બતાવીને, બિગ ટેક ફર્મો અને સ્પેકટ્રમ સ્ટાર્ટઅપ્સ પોતાના કર્મચારીઓને બરતરફ કરી રહી છે.
આઇટી સેક્ટરમાં છટણી: આઇટી સેક્ટરને સૌથી વધુ રોજગારી આપતુ ક્ષેત્ર માનવામાં આવે છે. આઈટી સેક્ટરમાં સ્થિતિ સામાન્ય થતી નથી દેખાઈ રહી. છેલ્લાં કેટલાંક મહિનાઓમાં ઘણા લોકોની નોકરીઓ ગઈ છે. આગામી મહિનાઓમાં પણ નોકરીઓ ઘટતી દેખાઈ રહી છે. આઈટી સેક્ટરની કંપનીઓએ જુલાઈ-સપ્ટેમ્બરના ત્રિમાસિક પરિણામો જાહેર કરવાના શરૂ કરી દીધા છે. દેશની ટોચની આઈટી કંપની ટીસીએસ એ પણ તેની શરૂઆત કરી દીધી છે. આ યાદીમાં ઇન્ફોસિસ અને HCL પણ સામેલ થતી દેખાઈ રહી છે.
એપ્રિલ-જૂનના ત્રિમાસિક પરિણામો બાદ આઈટી સેક્ટરમાં રોજગારીના મામલે સ્થિતિ વધુ ખરાબ દેખાઈ રહી છે. આઈટી કંપનીઓની નાણાકીય નીતિઓનું વિશ્લેષણથી જાણવા મળે છે કે, છેલ્લા છ મહિનાના સમયગાળામાં હજારો લોકોની નોકરીઓ જઈ ચુકી છે. તેનું મુખ્ય કારણ કંપનીઓ દ્વારા અપનાવવામાં આવી રહેલા ખર્ચ અને બચત કરવાના ઉપાય, ખાલી પડેલી જગ્યાઓ ન ભરવી કે નિમણૂંક ન કરવી જેવી બાબતો દર્શાવાઈ રહી છે.
કઈ કઈ કંપનીએ આપ્યાં છટણીનાં સંકેત ?
ટીસીએસ: ભારતની સૌથી મોટી આઈટી કંપની ટીસીએસે આ સપ્તાહે પોતાના પરિણામો જાહેર કર્યા હતાં. કંપનીના મુખ્ય એચઆર હેડે જણાવ્યું હતું કે, સપ્ટેમ્બર ત્રિમાસિકમાં કુલ કર્મચારીઓની સંખ્યામાં આશરે 6 હજારની ઘટ કરાઈ છે. તેમણે આશંકા વ્યક્ત કરી છે કે, આગામી મહિનામાં પણ કર્મચારીઓની કુલ સંખ્યા આજ રીતે ઘટી શકે છે.
ઈન્ફોસિસ: સપ્ટેમ્બરના ત્રિમાસિક દરમિયાન ઇન્ફોસિસમાં 7,530 કર્મચારીઓની સંખ્યા ઘટી છે. તે પહેલા એપ્રિલ-જૂન ત્રિમાસિકમાં કંપનીના કર્મચારીઓની સંખ્યા 6,940 ઘટાડાઈ હતી. આગામી મહિનાઓને લઈને ઇન્ફોસિસનું કહેવું છે કે, હાલ કેમ્પસ હાયરિંગ કરવાની જરૂર નથી.
BYJU'S: બાઈજૂસે પણ પોતાના કર્મચારીઓની છટણી કરવાનો નિર્ણય કર્યો છે. મીડિયા રિપોર્ટ્સ અનુસાર BYJU'Sની મૂળ કંપની થિંક એન્ડ લર્ન પ્રાઈવેટ લિમિટેડ સુધી સીમિત રહેશે અને તેમાં તેની સહયોગી કંપનીઓ સામેલ નથી.
ક્વાલકૉમ: આ વર્ષે ડિસેમ્બરમાં ક્વાલકોમે અસંખ્ય નોકરીઓમાં કાપ કરવા માટે તૈયાર છે. કેલિફોર્નિયા રોજગાર વિકાસ વિભાગ સાથે પોતાની હાલની ફાઈલિંગમાં ક્વાલકોમે દાવો કર્યો છે કે, આશરે 1,064 સેન ડિએગો આધારિત કર્મચારી અને 194 સાંતા ક્લારાના કર્મચારીઓ આ છટણીથી વ્યથિત થશે. આપને જણાવી દઈએ કે, તેમના કુલ કર્મચારીઓની સંખ્યા આશરે 2.5 ટકા છે.
સ્નેપચેટ: સ્નેપચેટની મૂળ કંપની સ્નેપ કથિત રીતે પોતાના 20 ટકા એટલે કે આશરે 1,280 કર્મચારીઓને બરતરફ કરવાનો નિર્ણય કર્યો છે. હાલમાં સ્નેપમાં 6,400થી વધુ કર્મચારી છે. તેનો અર્થ એ થયો કે, આશરે 1,280 કર્મચારીઓને બહારનો રસ્તો બતાડવામાં આવશે.
