નવી દિલ્હી: મ્યુચ્યુઅલ ફંડ કંપનીઓ પર નવી સ્કીમ્સ (NFO) લાવવા પર સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)ના પ્રતિબંધને કારણે, નવી યોજનાઓ દ્વારા એકત્ર કરાયેલી રકમમાં છેલ્લા નાણાકીય વર્ષ 2022-23માં ઘટાડો થયો છે. ડેટા અનુસાર, મ્યુચ્યુઅલ ફંડ ઉદ્યોગે પાછલા નાણાકીય વર્ષમાં નવી યોજનાઓ દ્વારા રૂપિયા 62,342 કરોડ એકત્ર કર્યા છે, જે અગાઉના નાણાકીય વર્ષ કરતાં 42 ટકા ઓછું છે. જોકે, અગાઉના નાણાકીય વર્ષ કરતાં 2022-23માં વધુ સંખ્યામાં NFO લાવવામાં આવ્યા હતા.
AMCs એ ચાલુ નાણાકીય વર્ષમાં: મોર્નિંગસ્ટાર ઇન્ડિયા દ્વારા સંકલિત કરવામાં આવેલા ડેટા અનુસાર, 2022-23માં કુલ 253 નવી યોજનાઓ શરૂ કરવામાં આવી હતી, જે 2021-22માં 176 હતી. ઇન્ડસ્ટ્રી ડેટા દર્શાવે છે કે, એસેટ મેનેજમેન્ટ કંપનીઓ (AMCs) એ ચાલુ નાણાકીય વર્ષમાં તમામ શ્રેણીઓમાં 12 NFOs ઓફર કર્યા છે. ડેટા મુજબ, ગયા નાણાકીય વર્ષમાં 182 ઓપન-એન્ડ અને 71 ક્લોઝ-એન્ડ સ્કીમમાંથી કુલ રૂપિયા 62,342 કરોડ એકત્ર કરવામાં આવ્યા હતા.
ગત નાણાકીય વર્ષમાં: તેની સરખામણીમાં 2021-22માં 176 NFOs દ્વારા રૂપિયા 1,07,896 કરોડની રકમ એકત્ર કરવામાં આવી હતી. મ્યુચ્યુઅલ ફંડ કંપનીઓએ 2020-21માં 84 નવી યોજનાઓમાંથી રૂપિયા 42,038 કરોડ એકત્ર કર્યા છે. ગત નાણાકીય વર્ષમાં NFO કલેક્શન ઘણા કારણોસર પ્રભાવિત થયું હતું. તેનું મુખ્ય કારણ સેબી દ્વારા નવી સ્કીમની ઓફર પર 3 મહિનાનો પ્રતિબંધ હતો. આ ઉપરાંત, NFOsમાં રોકાણને અત્યંત અસ્થિર બજારો, વિદેશી પોર્ટફોલિયો રોકાણકારોની બહાર નીકળવા અને વૈશ્વિક પરિબળોને કારણે પણ અસર થઈ હતી.
આ પણ વાંચો:
