નવી દિલ્હી: નાગરિક ઉડ્ડયન પ્રધાન હરદીપસિંહ પુરીએ જણાવ્યું હતું કે આંતરરાષ્ટ્રીય ફ્લાઇટ્સ પરનો પ્રતિબં સરકાર દ્વારા ત્યારે જ હટાવવામાં આવશે જ્યારે કોવિડ-19 સંપૂર્ણ પણે નિયંત્રણમાં આવશે. અમુક એરલાઇન્સે ટીકીટ બુક કરવાનું ચાલું કર્યું હતું, જેને લઇને પુરીએ આ નિવેદન આપ્યું હતું.
ઉડ્ડયન પ્રધાને ટ્વીટમાં જણાવ્યું હતું કે રવિવારે એરલાઇન્સને અપાયેલા એક નિર્દેશમાં તેમને ટિકિટ બુક ન કરવાનું કહેવામાં આવ્યું છે કારણ કે તેઓએ આ સંદર્ભે સરકારની સલાહ સ્વીકારી ન હતી.
તેમણે ટ્વિટ કર્યું હતું કે, "હું ફરી એકવાર કહેવા માંગુ છું કે કોવિડ -19 ની લડતમાં ફ્લાઇટ્સ પરનો પ્રતિબંધ એ ખાતરી કર્યા પછી જ હટાવવામાં આવશે કે હવે વાઇરસ નિયંત્રણમાં છે અને આપણા દેશ અને લોકોને કોઈ ખતરો નથી. "
