આગ્રા(ઉત્તર પ્રદેશ): જિલ્લામાંથી ફરી એકવાર એક સનસનીખેજ ઘટના સામે આવી છે. જ્યાં આગરા જગનેર રોડ પર સ્થિત બ્લોક અકોલાના થાણા માલપુરા વિસ્તારના માંકેડા ગામનો રહેવાસી રજત ચાહર નામના 20 વર્ષીય યુવકની પાછળ એક ઝેરી સાપ પડેલો છે.(snake bite man for eight time) નોંધનીય છે કે આ પહેલા સાપે રજતને 6 વખત ડંખ માર્યો હતો. તે જ સમયે, હવે આ સંખ્યા વધીને 8 થઈ ગઈ છે. મતલબ કે છેલ્લા 15 દિવસમાં સાપે રજતને 8 વખત ડંખ માર્યો છે. તેમ છતાં રજત સ્વસ્થ છે.(SNAKE BITE CASES IN AGRA)
જડીબુટ્ટીઓથી સારવાર કરાવી: 20 વર્ષીય રજતે જણાવ્યું હતુ કે, 6 સપ્ટેમ્બરથી અત્યાર સુધીમાં સાપે તેને 8 વખત ડંખ માર્યો છે. સૌપ્રથમ 6 સપ્ટેમ્બરે જ્યારે તે ઘરની બહાર ખેતરો તરફ જઈ રહ્યો હતો, ત્યારે તેને પહેલીવાર સાપે ડંખ માર્યો હતો, ત્યારબાદ પરિવાર તેને વૈધ પાસે લઈ ગયા હતા, જ્યા તેની જડીબુટ્ટીઓથી સારવાર કરાવી હતી. આટલું જ નહીં, આ ઘટના બાદ રજતને આગ્રાની SN મેડિકલ કોલેજ પણ લઈ જવામાં આવ્યો હતો, ત્યાં સુધીમાં તેના શરીરમાંથી સાપનું ઝેર નીકળી ગયું હતું. જેના કારણે તબીબોએ રજતને ઘરે પરત કર્યો હતો.(snake bite a man for 8 times in 15 days)
સાપ તેના રૂમમાં આવતો અને તેને ડંખ મારતો: રજતના કહેવા પ્રમાણે, 6 સપ્ટેમ્બર પછી દર 2-3 દિવસ પછી, રાત્રે સૂતી વખતે સાપ તેના રૂમમાં આવતો અને તેને ડંખ મારતો અને ત્યાંથી નીકળી જતો હતો. સાપના ડંખથી જ્યારે રજત જોરથી બૂમો પાડતો ત્યારે પરિવારજનો ઘટનાસ્થળે પહોંચી તેને સારવાર માટે વૈદ્ય પાસે લઈ જતા હતા. પરંતુ આજકાલ આવું રોજ બની રહ્યું છે. રજતના કહેવા પ્રમાણે, આ જ સાપે તેને છેલ્લા 15 દિવસમાં 8 વખત ડંખ માર્યો છે.
તેના ભાઈએ સાપ માર્યો હતો: રજતનું કહેવું છે કે, તે ડરી ગયો છે અને ઘરની બહાર ક્યાંય જઈ શકતો નથી. રજતે જણાવ્યું કે એક વર્ષ પહેલા તેના ભાઈએ સાપ માર્યો હતો, પરંતુ તે દરમિયાન રજત નોઈડામાં હતો. જો સાપ બદલો લઈ રહ્યો છે, તો નાગ દેવતા તેને કેમ નિશાન બનાવી રહ્યા છે. ઉલ્લેખનીય છે કે રજત પોતે પણ આશ્ચર્યમાં છે કે સાપ તેની પાછળ કેમ પડેલો છે.
ETV ઈન્ડિયાની ટીમ રજતના ગામ પહોંચી: ETV ઈન્ડિયાની ટીમ જ્યારે રજતના ગામ માંકેડામાં વારંવાર થતા સાપના ડંખનું રહસ્ય જાણવા પહોંચી ત્યારે, ત્યાંનું વાતાવરણ કંઈક અલગ જ હતું. બધા વાયાગીરો પોતાના શિષ્યો સહિત રજત પર ફૂંક મારી રહ્યા હતા. મંત્રોચ્ચાર સાથે, સાપ દેવતાને સમજાવવાનો પ્રયાસ કરતા જોવા મળ્યા હતા. આ દરમિયાન લોકો સંગીતના તાલે થલ વગાડીને નાગ દેવતાને પ્રસન્ન કરવામાં વ્યસ્ત હતા. આ દરમિયાન દરેકનો પ્રયાસ હતો કેસ, નાગ દેવતા કોઈક રીતે બહાર આવે અને તેમને શું જોઈએ છે તે જણાવે, પરંતુ અફસોસ, પણ હજુ સુધી જવાબ મળ્યો નથી. વાયાગીરોના મતે આ બાબત પુનર્જન્મ સાથે સંબંધિત હોઈ શકે છે. મુખ્ય વૈગીરના કહેવા પ્રમાણે, ચોક્કસ કોઈ વ્યક્તિ નાગ અથવા નાગ રજતનો બદલો લેવા માટે આ બધું કરી રહ્યું છે.
રહસ્યનો ઉકેલ લાવી શક્યા નથી: આજે આ ઘટના માત્ર માંકેડા ગામ માટે જ નહીં પરંતુ આસપાસના ગામો માટે પણ રહસ્ય બની રહી છે. ન તો પરિવારના સભ્યો આ રહસ્યનો ઉકેલ લાવી શક્યા છે અને ન તો જપ-મંત્રોચ્ચાર કરનારા વાયાગીરો પાસે તેનો કોઈ જવાબ છે.
ગામના લોકો પણ આ ઘટનાથી આશ્ચર્યચકિત: રજત સાથેની આ ઘટના બાદ પરિવારના સભ્યો ગભરાટમાં છે. તેમજ માંકેડા ગામના લોકો પણ આ ઘટનાથી આશ્ચર્યચકિત છે. સ્થિતિ એ છે કે આ ઘટનાના સમાચાર સાંભળીને આસપાસના ગામડાના લોકો રજત ચહરના પરિવારજનોને મળવા પહોંચી રહ્યા છે. તેમજ જે કોઈ પણ પ્રકારનો ઉપાય પરિવારના સભ્યોને જણાવે છે તે, પરિવારના સભ્યો એવું જ કરવા લાગ્યા છે.
