નવી દિલ્હી: પ્રથમ વખત, 6 મહિલા અધિકારીઓએ પ્રતિષ્ઠિત 'ડિફેન્સ સર્વિસિસ સ્ટાફ કોર્સ' (DSSC) અને 'ડિફેન્સ સર્વિસિસ ટેકનિકલ સ્ટાફ કોર્સ' (DSTSC) પરીક્ષાઓ પાસ કરી છે.(Six women clear Defense Staff Course exam) અધિકારીઓએ આ માહિતી આપી હતી. આ પરીક્ષાઓ દર વર્ષે સપ્ટેમ્બરમાં લેવામાં આવે છે. તેમણે કહ્યું કે, આમાંના 4 અધિકારીઓ ત્રણેય સેવાઓના તેમના પુરૂષ સમકક્ષો સાથે તમિલનાડુના વેલિંગ્ટનમાં ડિફેન્સ સર્વિસીસ સ્ટાફ કોલેજમાં એક વર્ષ માટે તાલીમ લેશે. મહિલા અધિકારીઓને ઓપરેશનલ, મિલિટરી ઇન્ટેલિજન્સ, ઓપરેશનલ લોજિસ્ટિક્સ અને સ્ટાફ એપોઇન્ટમેન્ટના વહીવટી પાસાઓની તાલીમ આપવામાં આવશે.
22 મહિલા અધિકારીઓ: બાકીની બે મહિલા અધિકારીઓમાંથી એક ડિફેન્સ સર્વિસીસ ટેકનિકલ સ્ટાફ કોર્સની અનામત યાદીમાં છે અને અન્ય મહિલા અધિકારીને એડમિનિસ્ટ્રેશન એન્ડ લોજિસ્ટિક્સ મેનેજમેન્ટ કોર્સ (ALMC)/ ઈન્ટેલિજન્સ સ્ટાફ કોર્સ (ISC) માટે પસંદ કરવામાં આવી છે, એમ અધિકારીઓએ જણાવ્યું હતું. સેનાએ માહિતી આપી હતી કે ભારતીય સેનાના 1,500 થી વધુ અધિકારીઓ DSSC/DSTSC પ્રવેશ પરીક્ષામાં ભાગ લે છે. અધિકારીઓએ જણાવ્યું કે આ વર્ષે પ્રથમ વખત સેનાની 22 મહિલા અધિકારીઓએ પરીક્ષા આપી હતી.
પ્રથમ યુગલ: DSSC માટે નામાંકિત કરાયેલી ચાર મહિલા અધિકારીઓમાંની એક એક અધિકારીની પત્ની છે જેણે DSSC પરીક્ષા પાસ કરી છે, એક અધિકારીએ જણાવ્યું હતું કે, તે વેલિંગ્ટનમાં એકસાથે તાલીમ મેળવનાર સેનાના ઇતિહાસમાં પ્રથમ યુગલ છે.