ઉત્તર પ્રદેશ: PM મોદી કાલે અયોધ્યાની મુલાકાત છે. આ દરમિયાન તેઓ નવનિર્મિત અયોધ્યા એરપોર્ટનું ઉદ્ઘાટન અને એક જાહેર કાર્યક્રમમાં ભાગ લેશે. જ્યાં વડાપ્રધાન રાજ્યમાં 15,700 કરોડથી વધુના અસંખ્ય વિકાસ પ્રોજેક્ટોને સમર્પિત કરશે. જેમાં અયોધ્યા અને તેની આસપાસના વિસ્તારોના વિકાસ માટે આશરે 11,100 કરોડના પ્રોજેક્ટ્સ અને સમગ્ર ઉત્તર પ્રદેશમાં અન્ય પ્રોજેક્ટ સાથે સંબંધિત 4600 કરોડના પ્રોજેક્ટનો સમાવેશ થાય છે.
અયોધ્યા ધામ જંકશન રેલ્વે સ્ટેશનનું ઉદ્ઘાટન કરશે: PM મોદી એરપોર્ટ, રેલ્વે સ્ટેશન, હાઈવે અને રેલ્વે લાઈન ડબલીંગની સાથે અનેક પ્રોજેક્ટનું ઉદ્ઘાટન કરશે. PM મોદી અયોધ્યા ધામ જંકશન રેલ્વે સ્ટેશનનું પણ ઉદ્ઘાટન કરશે, જે માળખાકીય સુવિધાઓ અને કનેક્ટિવિટી વધારવા માટે ઉપયોગી થશે. 240 કરોડથી વધુના ખર્ચે વિકસિત અયોધ્યા ધામ જંકશન રેલ્વે સ્ટેશન, લિફ્ટ, એસ્કેલેટર, ફૂડ પ્લાઝા અને બાળ સંભાળ રૂમ જેવી અત્યાધુનિક સુવિધાઓથી સજ્જ આધુનિક ત્રણ માળની ઇમારત ધરાવે છે. ઉપરાંત તેને ભારતીય ગ્રીન બિલ્ડિંગ કાઉન્સિલ (IGBC) દ્વારા ગ્રીન સ્ટેશન બિલ્ડિંગ તરીકે પ્રમાણિત કરવામાં આવ્યું છે.
2300 કરોડના ત્રણ રેલવે પ્રોજેક્ટ્સ: રેલ ઇન્ફ્રાસ્ટ્રક્ચરને મજબૂત કરવા માટેના પગલામાં વડાપ્રધાન 2300 કરોડના ત્રણ રેલવે પ્રોજેક્ટ્સને સમર્પિત કરશે. પ્રોજેક્ટ્સમાં રૂમા ચકેરી-ચંદેરી થર્ડ લાઇન પ્રોજેક્ટનો સમાવેશ થાય છે; જૌનપુર-અયોધ્યા-બારાબંકી ડબલિંગ પ્રોજેક્ટના જૌનપુર-તુલસી નગર, અકબરપુર-અયોધ્યા, સોહાવલ-પતંગા અને સફદરગંજ-રસૌલી વિભાગો; અને મલ્હૌર-ડાલીગંજ રેલ્વે વિભાગના ડબલીંગ અને ઇલેક્ટ્રિફિકેશન પ્રોજેક્ટ.
અમૃત ભારત ટ્રેનનું કરશે લોકાર્પણ: લગભગ 11:15 વાગ્યે દેશમાં સુપરફાસ્ટ પેસેન્જર ટ્રેનોની નવી શ્રેણી રજૂ કરતાં અમૃત ભારત ટ્રેનોને ફ્લેગ ઓફ કરશે. અમૃત ભારત એક્સપ્રેસ નોન-એર-કન્ડિશન્ડ કોચ સાથેની LHB પુશ-પુલ ટ્રેન, આકર્ષક સીટ ડિઝાઇન, મોબાઇલ ચાર્જિંગ પોઈન્ટ્સ, LED લાઈટ્સ, CCTV અને જાહેર માહિતી સિસ્ટમ સહિત શ્રેષ્ઠ સુવિધાઓ સાથે આરામદાયક મુસાફરી પૂરી પાડશે.
અમૃત ભારત ટ્રેનના રૂટ: PM મોદી બે અમૃત ભારત ટ્રેનનું ઉદ્ઘાટન કરશે, જે દરભંગા-અયોધ્યા-આનંદ વિહાર ટર્મિનલ અમૃત ભારત એક્સપ્રેસ અને માલદા ટાઉન-સર એમ. વિશ્વેશ્વરાય ટર્મિનસ (બેંગલુરુ) અમૃત ભારત એક્સપ્રેસ છે. વધુમાં છ નવી વંદે ભારત ટ્રેનોને ફ્લેગ ઓફ કરવામાં આવશે, જે દેશના રેલ નેટવર્કમાં યોગદાન આપશે. વંદે ભારત એક્સપ્રેસ ટ્રેનોમાં અયોધ્યા-આનંદ વિહાર ટર્મિનલ, શ્રી માતા વૈષ્ણોદેવી કટરા-નવી દિલ્હી, અમૃતસર-દિલ્હી, કોઈમ્બતુર-બેંગ્લોર કેન્ટ, મેંગલોર-મડગાંવ અને જાલના-મુંબઈ જેવા રૂટનો સમાવેશ થાય છે.
યાત્રાળુ માર્ગનું નવીનીકરણ: વડાપ્રધાન નયા ઘાટથી લક્ષ્મણ ઘાટ સુધી ફેલાયેલી પ્રવાસી સુવિધાઓના વિકાસ અને સુંદરતા, દીપોત્સવ જેવા કાર્યક્રમો માટે વિઝિટર ગેલેરીનું નિર્માણ અને રામ કી પૈડીથી રાજઘાટ સુધીના યાત્રાળુ માર્ગના મજબૂતીકરણ અને નવીનીકરણની પણ શરૂઆત કરશે. 2180 કરોડથી વધુ એક મહત્વાકાંક્ષી ગ્રીનફિલ્ડ ટાઉનશિપ અને લગભગ 300 કરોડ રૂપિયાના ખર્ચે નિર્માણ પામનાર વશિષ્ઠ કુંજ રેસિડેન્શિયલ સ્કીમ લોન્ચ કરશે.
વધુમાં PM મોદી NH-28 (નવા NH-27) ના લખનઉ-અયોધ્યા સેક્શન, હાલના અયોધ્યા બાયપાસમાં ફેરફાર, CIPET કેન્દ્રની સ્થાપના અને કાર્યાલયોના નિર્માણ સહિત માળખાકીય પ્રોજેક્ટનો શિલાન્યાસ કરશે. વડાપ્રધાનના અભિગમનો ઉદ્દેશ્ય અયોધ્યા અને ઉત્તર પ્રદેશને વિવિધ પહેલો અને વિકાસ તરફ સમૃદ્ધિના નવા યુગમાં આગળ ધપાવવાનો છે, જેનાથી આ ક્ષેત્ર માટે ઉજ્જવળ ભવિષ્ય માટે મંચ તૈયાર થઈ શકે.
