ભુવનેશ્વર: 'જ્યાં ઈચ્છા છે ત્યાં માર્ગ છે' કહેવત ફરી એકવાર સાચી સાબિત થઈ છે, કારણ કે, ફુલબના 58 વર્ષીય BJD ધારાસભ્ય અંગદા કંન્હારે (Odisha MLA Angada Kanhar Passed HSC Board Exam) ધોરણ 10 રાજ્ય બોર્ડની પરીક્ષા સફળતાપૂર્વક પાસ કરી છે. જેનું આજે પરિણામ જાહેર થયું હતું.
અંગદા કંન્હારે પરીક્ષામાં 500માંથી 364 માર્ક્સ મેળવ્યા : હાઇસ્કૂલ પ્રમાણપત્ર પરીક્ષા પાસ કરનારા 5,17,847 વિદ્યાર્થીઓમાં કન્હારનો સમાવેશ થાય છે. સૂત્રોએ જણાવ્યું હતું કે, અંગદા કંન્હારે પરીક્ષામાં 364 માર્ક્સ મેળવ્યા છે. તેણે અગાઉ કહ્યું હતું કે, 1978માં તે વિવિધ પારિવારિક સમસ્યાઓના કારણે એચએસસીની પરીક્ષા આપી શક્યો ન હતો. BJD ધારાસભ્ય અંગદા કંન્હારે કહ્યું હતું કે, જ્યારે તેમને ખબર પડી કે લોકો 50-60-70 વર્ષની ઉંમરે પરીક્ષામાં બેઠા હતા, ત્યારે તેમને પરીક્ષામાં બેસવાની ઇચ્છા થઈ હતી.