જયપુર: રાજધાની જયપુરમાં બકરીદના અવસર પર મુસ્લિમ ભાઈઓએ ગંગા-જામુની તહઝીબ (Eid Al adha In Jaipur)નું ઉદાહરણ રજૂ કર્યું છે. જ્યાં ઈદનો તહેવાર મનાવી રહેલા એક મુસ્લિમ ભાઈએ હિંદુની અર્થી ને ખભા આપવા કુરબાની છોડીને અંતિમયાત્રામાં પહોંચી ગયા હતા. તેમણે માત્ર હિંદુનો અર્થ જ નહીં પરંતુ 'રામ નામ સત્ય હૈ'ના નારા પણ લગાવ્યા અને સ્મશાનગૃહમાં ચિતા પર લાકડાનો શણગાર પણ કર્યો.
આ પણ વાંચો: હૃદય કંપાવે તેવી ઘટના: પોતાના 2 વર્ષના મૃત ભાઈને રસ્તા લઈને પર બેસી રહ્યો ને પછી...
ઈદની કુરબાની પહેલા નીકળી અંતિમયાત્રા: સંજય નગર ભટ્ટા બસ્તીના રહેવાસી સેન્સર પાલ સિંહ તંવરનું શનિવારે મોડી રાત્રે અવસાન થયું હતું. મળતી માહિતી મુજબ, સેન્સર પાલના પરિવારમાં એટલા લોકો નહોતા કે અંતિમયાત્રા કાઢીને અંતિમસંસ્કાર કરી શકાય. રવિવારે બકરીઈદના (Bakri Eid) અવસર પર લોકો સવારની નમાજ અદા કરવા માટે ભટ્ટા બસ્તી સ્થિત નૂરાની મસ્જિદમાં એકઠા થવા લાગ્યા હતા. જેમાં તેમને સેન્સર પાલ સિંહના મોતની માહિતી મળી હતી. જે બાદ મુસ્લિમ સમાજના લોકો ત્યાંથી સીધા તેના અર્થીને ખભે લઈને ગયા હતા. લગભગ 2 કિમી લાંબી સ્મશાનયાત્રા કર્યા બાદ સ્મશાન ગૃહમાં અંતિમ સંસ્કાર કરવામાં આવ્યા હતા. જે બાદ ઈદની કુરબાની (Eid ni kurbani) કરવામાં આવી હતી. જેણે પણ આ દ્રશ્ય જોયું તેણે તેના વખાણ કર્યા.
