મનિષ સિસોદિયાએ રક્ષા પ્રધાનને લખ્યો પત્ર, કોરોનાથી લડવા માંગી મદદ

દિલ્હી સરકારે કેન્દ્ર સરકારને કોરોના સામેની લડતમાં સેનાને સહયોગ આપવા માંગ કરી છે. નાયબ મુખ્યપ્રધાન મનીષ સિસોદિયાએ આ અંગે સંરક્ષણ પ્રધાન રાજનાથ સિંહને એક પત્ર લખ્યો છે.

• દિલ્હી કોરોનાની ગંભીરતામાંથી સતત પસાર થઈ રહી
• દિલ્હી સરકારે કોરોના સામેની લડતમાં સેનાની મદદ માંગી
• ઑક્સિજન સિલિંડરોથી માંડીને બીજી વસ્તુઓમાં પણ સેના મદદ કરે

નવી દિલ્હી : રાજધાની દિલ્હી કોરોનાની ગંભીરતામાંથી સતત પસાર થઈ રહી છે. કથળતી પરિસ્થિતિ વચ્ચે દિલ્હી સરકારે કોરોના સામેની લડતમાં સેનાની મદદ માંગી છે. નાયબ મુખ્યપ્રધાન મનીષ સિસોદિયાએ આ અંગે કેન્દ્રીય સંરક્ષણ પ્રધાન રાજનાથ સિંઘને એક પત્ર લખ્યો છે. સિસોદિયાએ લખ્યું છે કે, ઑક્સિજન સિલિંડરોથી માંડીને બીજી વસ્તુઓમાં પણ સેના અમનેે મદદ કરે.

ઓક્સિજન ટેન્કર આર્મી દ્વારા ઉપલબ્ધ કરાવી જોઈએ

મનીષ સિસોદિયાએ પત્ર દ્વારા કહ્યું છે કે, શક્ય તેટલા ઓક્સિજન ટેન્કર આર્મી દ્વારા ઉપલબ્ધ કરાવી જોઈએ. જે રીતે DRDOએ એક હોસ્પિટલ તૈયાર કરી છે. તે જ રીતે વધુ હોસ્પિટલો તૈયાર કરવી જોઈએ.