રાહુલ ગાંધીએ ટ્વિટ કર્યું છે કે,''રાષ્ટ્રીય અખંડતાને બનાવી રાખવા માટે જમ્મુ કાશ્મીરના એકતરફી ટૂકડા ન કરી શકાય. તેના બંધારણને પાછળ રાખીને ચૂંટાયેલા પ્રતિનિધિઓને જેલમાં નાખી ન શકાય. દેશ લોકોથી બને છે, જમીનથી નહીં. કાર્યકારી શક્તિઓનો દૂરુપયોગ આપણી રાષ્ટ્રીય સુરક્ષા માટે એક ગંભીર ખતરો સાબિત થઇ શકે છે. ''
સોમવારે રાજ્યસભામાં અને મંગળવારે લોકસભામાં અમિત શાહ દ્વારા જમ્મુ કાશ્મીર પુનર્ગઠન બિલ રજૂ કરવામાં આવ્યું હતું. આ દરમિયાન કોંગ્રેસ દ્વારા હોબાળો કરી બિલનો વિરોધ કરવામાં આવ્યો હતો. એક તરફ કોંગ્રેસ સરકારના આ નિર્ણયનો પુરજોશથી વિરોધ કરી રહી છે તો અમુક કોંગી નેતાઓ આ નિર્ણયને સમર્થન આપી રહ્યાં છે.
