રાંચી : 2 ઓગસ્ટના રોજ, મુખ્યપ્રધાનના નિવાસમાં કામ કરનાર 17 કર્મચારીઓ કોરોના સંક્રમિત મળી આવ્યા હતા.તેમાં કૂક, ડ્રાઇવર અને અન્ય શામેલ છે. 31 જુલાઈએ, CMO સાથે સંકળાયેલા બે લોકો કોરોના પોઝિટિવ મળી આવ્યા હતા. જે બાદ સંપર્ક ટ્રેસિંગના આધારે અન્ય લોકોની તપાસ કરવામાં આવી હતી. જે બાદ સોરેને મંગળવારે કોવિડ -19 નું ટેસ્ટ કરાવ્યું હતું.જ્યારે આ અગાઉ 11 જુલાઈએ મુખ્યપ્રધાને તેમની પત્ની કલ્પના સોરેન સાથે કોવિડ -19 નું ટેસ્ટ કરાવ્યું હતું. જેમાં તેમનો રિપોર્ટ નેગેટિવ આવ્યો હતો.
રાજ્યના પીવાના પાણી અને સ્વચ્છતા પ્રધાન મિથિલેશ ઠાકુર અને ઝારખંડ મુક્તિ મોરચાના વરિષ્ઠ ધારાસભ્ય મથુરા મહતો કોરોના સંક્રમિત મળ્યા હતા.બંને નેતાઓ મુખ્યપ્રધાન સોરેનને મળ્યા હતા. જે પછી, 8 જુલાઈના રોજ, સોરેને પોતાને તેમના ઘરેથી અલગ રાખ્યો હતો. તે દરમિયાન મુખ્યપ્રધાનના નિવાસમાં લોકોની અવરજવર બંધ થઈ ગઈ હતી. બાદમાં, 11 જુલાઇએ, તેમણે પ્રથમ વખત કોવિડ -19 પરીક્ષણ કર્યું હતું અને રિપોર્ટ નેગેટિવ આવ્યો હતો.
રાજ્ય સચિવાલય પ્રોજેક્ટ બિલ્ડિંગ સહિત નજીકની એફએફપી બિલ્ડિંગમાં પણ કોરોના ચેપ ફેલાયો છે. એફએફપી બિલ્ડિંગમાં પોસ્ટ કરાયેલા અર્બન ડેવલપમેન્ટ વિભાગના જવાનોને કોરોના ચેપ લાગ્યો હોવાની માહીતી મળી હતી. અત્યાર સુધી રાજ્યમાં મિથિલેશ ઠાકુર અને ધારાસભ્ય મથુરા મહતો ઉપરાંત ભાજપના ધારાસભ્ય સી.પી.સિંઘ અને ધારાસભ્ય લોમ્બોદર મહાતોને કોરોનાનો ચેપ લાગ્યો છે. રાજ્યમાં અત્યાર સુધીમાં 13600 થી વધુ લોકોને કોરોનાનો ચેપ લાગ્યો છે, 4700 થી વધુ લોકો સ્વસ્થ્ય થયા છે.
