શિવસેના, NCP અને કોંગ્રેસ નેતાઓની હાજરીમાં 162 ધારાસભ્યોએ એટજુટતાના શપલ લીધા. ધારાસભ્યોને ભાજપને સમર્થન ન કરવા શપથ લેવડાવવામાં આવ્યા.
શિવસેના, NCP અને કોંગ્રેસે પોતાના 162 ધારાસભ્યોની પરેડ ગ્રાન્ડ હયાત હોટલમાં કરી રહ્યા છે. કોંગ્રેસ નેતા મલિક્કાર્જૂન ખડગે પણ ગ્રાન્ડ હયાતમાં હાજર રહ્યાં.
આ ઉપરાંત શિવસેનાના ધારાસભ્યોને એક બસમાં હોટલ સુધી પહોંચાડવામાં આવ્યા.
આ આગાઉ શિવસેનાના નેતા સંજય રાઉતે મહારાષ્ટ્રના રાજ્યપાલ ભગત સિંહ કોશ્યારી પર પ્રહાર કરતા કહ્યું કે, રાજ્યપાલ પોતે હોટલ આવીને અમારા 162 ધારાસભ્યોને જોઇ લે.
મહારાષ્ટ્રમાં સરકાર બનાવા માટે શિવસેના, કોંગ્રેસ અને NCPની અરજી પર મંગળવારના રોજ કોર્ટમાં સુનાવણી કરવામાં આવશે.
આ આગાઉ સંજય રાઉતે ટ્વીટ કરી કહ્યું હતું કે, અમે બધા એક છીએ અને એક સાથે રહીશું. અમારા 162 ધારાસભ્યો પ્રથમ વખત ગ્રાન્ડ હયાત હોટલમાં સાંજે 7 વાગ્યે મળશે. રાજ્યપાલ પોતે આવે અને અમારા તમામ ધારાસભ્યોને જોઇ લે.
આના એક દિવસ અગાઉ સુપ્રીમ કોર્ટે મહારાષ્ટ્રમાં સરકાર રચવા માટેની શિવસેના અને કોંગ્રેસની સંયુક્ત અરજી પર સુનવણી કરી અને આ મુદ્દાનો ચુકાદો મંગળવારે આપવાનું કહ્યું.
ઉલ્લેખનીય છે કે, શનિવારના રોજ દેવેન્દ્ર ફડણવીસે મુખ્યપ્રધાનના શપથ લીધા હતા. અજીત પવારે નાયબ મુખ્યપ્રધાનના શપથ લીધા હતા. જે બાદ કોંગ્રેસ,એનસીપી અને શિવસેનાએ સુપ્રીમ કોર્ટમાં અરજી દાખલ કરી હતી.