રાજસ્થાનઃ ભીલવાડામાં બેદરકારથી વાહન ચલાવવાના કારણે સોમવાર મોડી રાત્રે અકસ્માત સર્જાયો હતો. કાર અને બસ વચ્ચે થયેલા આ અકસ્માતમાં 9 લોકોના મોત નિપજ્યા હતા, જ્યારે 15 લોકો ગંભીર રીતે ઘાયલ થયા હતા. બસ ચાલક કારને ઓવર ટેક કરવા જતા, બસ કાર સાથે ટકરાઈ ગઈ હતી. આ ટક્કર બાદ બસ રોડ નીચે ઉતરી ગઈ હતી. આ આકસ્માતમાં 5 પુરૂષ અને 3 મહિલાને તેમજ 1 બાળકીને ગંભીર ઈજાઓ પહોંચી હતી.
બસ અને કાર વચ્ચે અકસ્માતમાં 9ના મોત, 16 ઘાયલ
આ રોડ અકસ્માતમાં ઘાયલ થયેલા લોકોને બિગોદના હોસ્પિટલ ખાતે સારવાર અર્થે લઈ જવામાં આવ્યા હતા. જેમાંથી 15 લોકોની હાલત ગંભીર હોવાથી તેમને વધુ સારવાર માટે ભીલવાડા ખસેડાયા હતા. આ અકસ્માતની જાણ થતા પોલીસ અધિક્ષક હરેન્દ્ર મહાવર અને જિલ્લા કલેક્ટર રાજેન્દ્ર ભટ્ટ સહિતના ઉચ્ચ અધિકારીઓ ઘટના સ્થળે દોડી આવ્યા હતા.
