રાજકોટ રાહુલ ગાંધી તારીખ 21મીએ રાજકોટના શાસ્ત્રી મેદાનમાં યોજવા જઇ રહ્યા છે. વિધાનસભાની ચૂંટણી (Gujarat Assembly Election 2022) પહેલા દરેક પક્ષો એડી ચોટીનું જોર લગાવી રહ્યા છે. ત્યારે આવતી તારીખ 21મીના રોજ કોંગ્રેસના દિગ્ગજ નેતા રાહુલ ગાંધી પણ રાજકોટમાં જનસભાને સંબોધન કરવા જઇ રહ્યા છે. જેને લઇને પ્રદેશ કોંગ્રેસ દ્વારા તૈયારીઓ શરૂ કરવામાં આવી છે.
રંગીલા રાજકોટમાં જનસભાને સંબોધન રાહુલ ગાંધી (Congress leader Rahul Gandhi) સૌરાષ્ટ્રના પાટનગર એવા રંગીલા રાજકોટમાં જનસભાને સંબોધન કરવાના છે. જેની તૈયારીના ભાગરૂપે રાજકોટ શહેર કોંગ્રેસની આજે બેઠક યોજવામાં આવી હતી. જેમાં વિધાનસભાના ઉમેદવારો સહિત શહેર કોંગ્રેસના નેતાઓને કાર્યકર્તાઓ ઉપસ્થિત રહ્યા હતા. તેમજ રાહુલ ગાંધીની સભાને સફળ બનાવવા માટે આગામી રણનીતિ બનાવી હતી. જ્યારે જિલ્લા કલેકટર પાસે રાજકોટના શાસ્ત્રી મેદાનમાં સભા યોજવા માટેની મંજૂરી પણ માંગવામાં આવી છે.
ગણતરીના દિવસો બાકી રાષ્ટ્રીય નેતાઓ સૌરાષ્ટ્રના પ્રવાસે (National leaders visit Saurashtra) પ્રથમ તબક્કાના મતદાનના બસ હવે ગણતરીના દિવસો બાકી છે. એવામાં રાષ્ટ્રીય નેતાઓ રાજકોટ તેમજ સૌરાષ્ટ્રના પ્રવાસે આવી રહ્યા છે. ભાજપના રાષ્ટ્રીય અધ્યક્ષ જેપી નડા પણ આજે સાંજે રાજકોટમાં જનસભાને સંબોધન કરશે. જ્યારે ભાજપ શાસિત અન્ય રાજ્યોના મુખ્યપ્રધાનો પણ સૌરાષ્ટ્રના અલગ અલગ જિલ્લાઓમાં જન સભાને સંબોધન કરશે. એવામાં આગામી 21 તારીખના રોજ કોંગ્રેસના રાષ્ટ્રીય નેતા રાહુલ ગાંધી પણ સૌરાષ્ટ્રની મુલાકાતે છે. બીજી તરફ વડાપ્રધાન મોદી પણ આગામી દિવસોમાં રાજકોટ જિલ્લાના ધોરાજીમાં જનસભાને સંબોધન કરશે. અને રાહુલ ગાંધી પણ રાજકોટમાં સંબોધન કરવાના છે.
