તાપી: લગ્ન પ્રસંગમાંથીપરત ફરતા પરીવારને ગમખ્વાર અકસ્માત નળ્યો હોય તેવી ઘટના સામે આવી છે. નિઝર મુંબારકપુર ગામની સીમમાં ઉચ્છલ નિઝર હાઈવે પર આ ગોઝારો અકસ્માત સર્જાયો હતો. પરિવાર મારુતી સુજુકી કંપનીની ફોરવીલ કારમાં કુલ ચાર લોકો સવાર થઈ જઇ રહ્યા હતા ત્યારે આ ઘટના બની હતી. અકસ્માતમાં એક મહિલાનુ ઘટના સ્થળે જ મોત નીપજ્યું હતું, જ્યારે અન્ય ત્રણને ગંભીર ઈજા પોહોચી હતી.
પરીવારને ગમખ્વાર અકસ્માત નળ્યો: અકસ્માતમાં મૃતક તરીકે સુનંદા તંબોલીની ઓળખ થઇ છે જયારે ઘટનામાં ઈજા પામનારની ઓળખ સંતોષ તંબોલી, કવિતા તંબોલી અને અનિતા તંબોલી તરીકે થવા પામી છે. તેઓ મહારાષ્ટ્રના નંદુરબાર ખાતે લગ્નપ્રસંગમાં ગયા હતા. લગ્ન પ્રસંગ પૂર્ણ કરીને પોતાના મૂળ વતન કુકરમુંડા પરત ફરતી વખતે કોઈક અજાણ્યા ટ્રકે અડફેટે લેતા અકસ્માત સર્જાયો હતો. નિઝર પોલીસે અજાણ્યા ટ્રકચાલક વિરુદ્ધ ગુનો નોધી વધુ તપાસ હાથ ધરી છે.
અજાણ્યા ટ્રકચાલક વિરૂદ્ધ નીઝર પોલીસ દ્વારા ઈ.પી.કો કલમ 279, 304(a) 337, 338 તથા એમ.વી એક્ટની કલમ 134, 177, 184 મુજબનો ગુનો નોંધી અજાણ્યા ટ્રક ચાલકની શોધખોળ કરવામાં આવી રહી છે.
નિઝર પોલીસ સબ ઇન્સ્પેક્ટર પી.એમ. હઠીલાએ ટેલીફોનીક માહિતી આપતા જણાવ્યું હતું કે નિઝરના મુબારક પૂરા ગામની સીમમાં એક પરિવાર ફોર વ્હીલ ગાડીમાં લગ્ન પ્રસંગમાંથી પરત થઈ રહ્યુ હતું ત્યારે અજાણ્યાં ટ્રક ચાલકે પુર ઝડપે ગાડીમાં ટક્કર મારી અને સ્થળ પરથી ભાગી ગયેલ છે. ઘટનામાં એક મહિલાનું મોત થયું છે. નિઝર પોલીસ દ્વારા અજાણ્યા ટ્રક ચાલક વિરુદ્ધ ગુનો નોંધી આગળની કામગીરી કરવામાં આવી રહી છે.
