Farmers double income : સરગુજામાં તગડી કમાણી કરાવતો પાક, ખેતીમાં ડબલ ઇન્કમ પાકી કરતી શિમલા મરચાંની ખેતી

author img

By ETV Bharat Gujarati Desk

Published : Feb 2, 2024, 7:34 PM IST

Farmers double income : સરગુજામાં તગડી કમાણી કરાવતો પાક, ખેતીમાં ડબલ ઇન્કમ પાકી કરતી શિમલા મરચાંની ખેતી

સરગુજા વિભાગના સૂરજપુરના બે મિત્રોએ ખેડૂતો માટે દાખલો બેસાડ્યો છે. આ બંને મિત્રો કેપ્સીકમની ખેતીમાં ડબલ ઇન્કમ મેળવી રહ્યા છે. આટલું જ નહીં તેમણે આસપાસના વિસ્તારોમાં લગભગ 250 લોકોને રોજગારી પણ આપી છે. તેમની મહેનત અને આધુનિક ટેક્નોલોજીના ઉપયોગ દ્વારા બંનેએ ખેડૂતોને ખેતી દ્વારા તેમની આવક વધારવાનો નવો માર્ગ બતાવ્યો છે.

છત્તીસગઢ : સરગુજા વિસ્તારમાં કેપ્સીકમ - શિમલા મરચાંની ખેતીએ એટલો નફો આપ્યો છે કે બે મિત્રો મળીને એક વર્ષમાં 50 લાખથી વધુની કમાણી કરી રહ્યા છે. સૂરજપુરના પહાડ ગામના રહેવાસી બંને મિત્રો અગાઉ કમિશન એજન્ટ તરીકે શાકભાજી વેચતા હતાં. પરંતુ છેલ્લા 5 વર્ષથી તેઓ લોકોની જમીન લીઝ પર લઈને જાતે ખેતી કરી રહ્યા છે. આજે બંને લગભગ 100 એકર જમીનમાં ખેતી કરે છે, જેમાંથી 50 એકરમાં માત્ર કેપ્સિકમની ખેતી થાય છે. બાકીની જમીનમાં બંને મિત્રો પપૈયા અને ટામેટાંની ખેતી કરે છે.

શિમલા મરચાંની ખેતીમાં ડબલ ઇન્કમ : હવે શાકભાજીના વેપારીમાંથી ખેડૂત બની ગયેલા વિજય સાહુ કહે છે, " અમે 25 એકરમાં કેપ્સિકમનું વાવેતર કર્યું છે, તે ગયા જુલાઈમાં રોપ્યો હતો અને સપ્ટેમ્બરથી તેનો પાક તૈયાર થઇ જાય છે. જે પછી શિમલા મરચાંની ખેતીમાં એપ્રિલ સુધી મરચાંનું ઉત્પાદન થાય છે. પ્રતિ એકર 5 થી 7 લાખ કેપ્સિકમનું ઉત્પાદન થાય છે. જેના માટે પ્રતિ એકર રૂ. 2 લાખનો ખર્ચ થાય છે. અમે આ સિઝનમાં 25 લાખની કમાણી કરી લીધી છે અને વધુ 25 લાખ આવશે."

બીજો મિત્ર નોકરીની સાથે ખેતી કરી રહ્યો છે : તેનો મિત્ર જીતેન્દ્રસિંહ ચૌહાણે જે બીજ કંપનીમાં નોકરી પણ કરે છે, તેણે કહ્યું, " મારો પગાર મહિને 1 લાખ રૂપિયા જેટલો છે. હવે હું નોકરી છોડવાનું વિચારી રહ્યો છું. હું ખેતી પણ કરી રહ્યો છું. ખેતી માટે સમય નથી મળી રહ્યો.

મેં પણ તેમની સાથે 8 એકરમાં ખેતી શરૂ કરી હતી. આજે હું 40 એકરમાં ખેતી કરું છું. નર્સરીની ગુણવત્તા નબળી હોવાને કારણે ઘણી વખત ખર્ચ વધી જાય છે. ત્યારબાદ ખર્ચ એકર દીઠ રૂ. 2 લાખ થાય છે. ક્યારેક તે 3 થી 3.5 લાખ રૂપિયા સુધી પણ જાય છે. તેમ છતાં કમાણીની ટકાવારી 50 ટકા પર યથાવત છે....જીતેન્દ્રસિંહ ચૌહાણ ( ખેડૂત )

નુકસાનની સ્થિતિમાં પણ નફો કમાયાં : બંને મિત્રો સાથે મળીને આખા વર્ષ દરમિયાન ખેતીમાંથી ડબલ ઇન્કમ મેળવે છે. 50 ટકાના નુકસાનના કિસ્સામાં પણ, જો કેપ્સિકમ 7 લાખ રૂપિયા પ્રતિ એકરમાં વેચવામાં આવે છે, તો 25 એકરમાં પ્રતિ એકર 3 લાખ રૂપિયાનો માન્ય નફો ગણવામાં આવે તો તેનો આંકડો 75 લાખ રૂપિયાથી વધુ છે. મતલબ, મોટા નુકસાનના કિસ્સામાં પણ, 50 ટકાથી વધુ નફાની ખાતરી મળે છે. ઑફ સિઝનમાં તેઓ 50 થી 60 લાખ રૂપિયા કમાય છે. એટલું જ નહીં આ લોકોએ લગભગ 250 લોકોને રોજગારી આપી છે.

  1. National Farmers Day : પ્રગતિશીલ ખેડૂતે રેડ લેડી જાતની પપૈયાની ખેતી કરી માત્ર ચાર મહિનામાં લાખોની કમાણી કરી લીધી
  2. Doubling Of Farmers Income : પ્રાકૃતિક ખેતી તરફ વળ્યા ખેડૂતો, ડાયજેસ્ટર પ્લાન્ટ દ્વારા ઓર્ગેનિક ઉત્પાદનો કરાવે ડબલ ઇન્કમ
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.