নলবাৰীত অঘটন: পৰিয়ালৰ লোকেই দাৰে ঘপিয়ালে দুজনক
![ETV Thumbnail thumbnail](https://etvbharatimages.akamaized.net/etvbharat/prod-images/320-214-16572368-thumbnail-3x2-bc.jpg)
নলবাৰীৰ দোকোহাত সংঘটিত হৈছে এক চাঞ্চল্যকৰ ঘটনা (Tragic incident in Nalbari) । নিজ দেৱৰ আৰু আৰু ভাই শহুৰে উপৰ্যুপৰি দাৰে আক্ৰমণ চলালে নিজ বৌৱেক আৰু ককায়েকক ৷ ফলত গুৰুতৰভাৱে আহত হয় জেউতি নমশুদ্ৰ আৰু খৰ্গেশ্বৰ দাস ৷ ঘটনা সংঘটিত হোৱাৰ পিছতেই ততাতৈয়াকৈ আহত দুয়োজনকে সংকটজনক অৱস্থাত নলবাৰী আসামৰিক চিকিৎসালয়ত (Nalbari Civil Hospital) ভৰ্তি কৰোৱা হয় যদিও অৱস্থা অধিক শোচনীয় হোৱাত উন্নত চিকিৎসাৰ বাবে গুৱাহাটীলৈ প্ৰেৰণ কৰা হয় । ইফালে দাৰে ঘপিয়াই মোহন দাস আৰু পুমা দাসে ঘটনাস্থলীৰ পৰা পলায়ন কৰে ৷ ঘৰুৱা মাটি বাৰীক কেন্দ্ৰ কৰি হোৱা কন্দলৰ ফলত এনে ঘটনা সংঘটিত হোৱাৰ সন্দেহ প্ৰকাশ কৰিছে স্থানীয় লোকে ৷