বাস্তুদোষৰ বাবে বহুলোকৰ ৰাতি টোপনিৰ সমস্যা হোৱা দেখা যায় ৷ ৰাতি টোপনি নাহিব পাৰে বা বেয়া সপোন দেখি হঠাৎ সাৰ পাই যাব পাৰে ৷ ঘৰত যদি বহু বেছি পৰিমানে বাস্তুৰ দোষ থাকে তেন্তে এই সমস্যা হ'ব পাৰে ৷ এই সমস্যাৰ পৰা উপশম পাবলৈ কিছু ঘৰুৱা বিধি আছে ৷ তাৰ বাবে আপোনাক লাগিব এটা তামৰ বা পিতলৰ গিলাচ ৷ সদায় ৰাতি শুবৰ সময়ত তামৰ বা পিতলৰ গিলাচটোত এগিলাচ পানী লৈ, পানী গিলাচ ঢাকি শীতানৰ ফালে থৈ দিব ৷ এনেকুৱা কৰিলে আপোনাৰ টোপনি লাহে লাহে ভাল হ'ব ৷ লগতেই যি বোৰ বেয়া সপোন দেখে সেইবোৰ নাইকিয়া হ'ব ৷
টকা-পইচাৰ অভাৱ কেনেদৰে নোহোৱা কৰিব
বাসগৃহৰ যি খন মুখ্যদ্বাৰ খন খুব বেছি চাফাকৈ ৰখাটো প্ৰয়োজন ৷ লগতেই সদায় পুৱা শুই উঠি ঘৰ খন চাফা কৰাৰ লগতে মুখ্যদ্বাৰখন চাফা কৰাটো অতি প্ৰয়োজনীয় ৷ লগতে তামৰ গিলাচত এগিলাচ পানী লৈ তাত কেঁচা হালধিৰ ৰস মিহলাই, এখিলা পাণৰ পাতেৰে ঘৰৰ বাহিৰত আৰু ভিতৰত পানী ছটিয়াব ৷ এনেকুৱা কৰিলে ঘৰৰ নিগেটিভ এনাৰ্জী নাইকীয়া হয় ৷ লগতে পইচাক লৈ সৃষ্টি হোৱা অসুবিধা নাইকিয়া হ'ব ৷
বাস্তুদোষৰ পৰা উপশম পাবলৈ ঘৰত কি কি নিয়ম পালন কৰিব লাগে ?
১) ধৰ্মীয় কিতাপ কেতিয়াও শুৱা ঠাইত নিব নালাগে ৷ বিশেষকৈ ধৰ্মীয় কিতাপ কেতিয়াও গাৰুৰ তলত লৈ শুৱ নালাগে ৷ হনুমান চালিসা কেতিয়াও বিচনাত পঢ়িব নালাগে ৷
২) ৰাতিপুৱা আৰু গধূলি প্ৰতিদিনেই ঘৰত বন্তি জ্বলাব লাগে ৷
৩) ঘৰৰ মুখ্যদ্বাৰৰ পৰা যাতে কোনো ধৰণৰ শব্দ নোলায় সেয়া মন কৰিব লাগে ৷
৪) ঘৰৰ উত্তৰ-পূৱ দিশত কেতিয়াও ডাছবিন ৰাখিব নালাগে ৷
৫) ঘৰৰ মাজমজিয়াত কেতিয়াও গধুৰ বস্তু ৰাখিব নালাগে ৷
লগতে পঢ়ক: Healthy Diet: আজিয়েই সলনি কৰক আপোনাৰ খাদ্য তালিকা, বৃদ্ধ বয়সলৈকে হৈ থাকিব ৰোগমুক্ত
