বৰ্তমান ব্যস্ততাৰে ভৰা জীৱনৰ বাবে সকলোকে মানসিক চাপ আৰু কৰ্মৰ চাপে আগুৰি ধৰিছে ৷ এনে পৰিস্থিতিত নিজৰ বাবে সময় উলিওৱাটো অতি কঠিন হৈ পৰে ৷ এই মানসিক চাপ তথা উদ্বেগৰ বাবে মানুহে প্ৰায়ে বিভিন্ন ৰোগত ভুগিবলৈ আৰম্ভ কৰে ৷ সেয়েহে এনে ক্ষেত্ৰত নিজৰ স্বাস্থ্যৰ যত্ন লোৱাটো অতি প্ৰয়োজনীয় ৷ অৱশ্যে ব্যায়াম আৰু যোগাসনৰ জৰিয়তে আমি নিজকে ফিট কৰি ৰাখিব পাৰো ৷ ইয়াৰ উপৰিও পুষ্টিকৰ খাদ্যইও স্বাস্থ্য ভাল কৰি ৰাখে ৷ কিন্তু ব্যস্ত জীৱনৰ বাবে ব্যায়াম বা ৰুটিন অটুট ৰখাটো অলপ কঠিন হৈ পৰে ৷

স্বাস্থ্য বিশেষজ্ঞসকলে কয় যে, ৰুটিনত যোগ বা ব্যায়াম অন্তৰ্ভুক্ত নকৰাৰ ফলত শৰীৰত বহুতো সমস্যা তথা ৰোগৰ সৃষ্টি হয় ৷ যিসকল লোকে ব্যায়ামৰ বাবে সময় উলিয়াব নোৱাৰে তেওঁলোকে মাত্ৰ কেইমিনিটমানৰ ভিতৰতে বহি বহি ব্যায়াম কৰিব পাৰে ৷ সেয়ে আজি আমি আপোনালোকক এই ব্যায়াম সম্পৰ্কে তথ্য দিবলৈ চেষ্টা কৰিম ৷

ভৰিৰ ব্যায়াম

প্ৰথমে দুয়োখন ভৰিৰ গোৰোহা ওপৰলৈ তুলি তাৰ পিছত ভৰিৰ আঙুলি দুটা ওপৰলৈ তুলি বেঁকা কৰি ঘূৰাই ঘূৰাই দিব ৷ এইদৰে ৫ৰ পৰা ১০ বাৰ পুনৰাবৃত্তি কৰক ৷ এনে কৰিলে ভৰিত বহুত সকাহ পাব ৷ লগতে গোৰোহা আৰু ভৰিৰ আঙুলিত ৰক্তসঞ্চালন সুষম হ’ব ৷

ইয়াৰ পিছত চকী এখনত বহি লাহে লাহে দুয়োখন ভৰি একেলগে মাটিৰ পৰা প্ৰায় এফুট ওপৰলৈ তুলিব ৷ এইদৰে ১০ বাৰ পুনৰাবৃত্তি কৰক ৷ এনে কৰিলে আপোনাৰ কঁকালৰ মাংসপেশীবোৰ টানিব আৰু আপুনি উঠা-বহাৰ সময়ত হোৱা বিষৰ পৰা সকাহ লাভ কৰিব ৷

ইয়াৰ পিছত হাত দুখন পোনকৈ মেলি দিব আৰু কঁকাল দুটা বেঁকা নকৰাকৈ হাত দুখন বৃত্তাকাৰ গতিৰে ঘড়ীৰ কাঁটাৰ সদৃশ ঘূৰাব ৷ একেদৰে ১০ বাৰ পুনৰাবৃত্তি কৰক ৷ এইটো এটা ভাল ৱাৰ্মআপ ব্যায়াম ৷ ইয়াৰ ফলত বাহুৰ চৰ্বি কমি যাব আৰু লেপটপত কাম কৰাৰ ফলত হোৱা বিষৰ পৰা সকাহ পাব আৰু আপুনি সতেজ অনুভৱ কৰিব ৷

ইয়াৰ পিছত আপুনি অনুলম-বিলমৰ দৰে ব্যায়াম কৰিব পাৰে ৷ এটা ঠাইত বহিও এই কাম কৰিব পাৰে ৷ ইয়াৰ বাবে চকু মুদি 10ৰ পৰা 20 বাৰ দীঘলীয়া উশাহ-নিশাহ লওক ৷ ইয়াৰ ফলত আপোনাৰ মাজত শক্তি জাগ্ৰত হ’ব আৰু এলাহ কমি যাব ৷

লগতে পঢ়ক: শীতকালত শৰীৰৰ বাবে শ্ৰেষ্ঠ এই ব্যায়াম; ইয়াক কৰাৰ পূৰ্বে মনোযোগ দিয়ক এইবোৰ কথাত