কৰ্মস্থলীত দীৰ্ঘ সময়লৈকে বহি থকাৰ ফলত কঁকালৰ বিষ বৃদ্ধি হৈছে নেকি ? তেন্তে কৰক এই কাম

Lower Back Pain: কৰ্মস্থলীত বহি কাম কৰা লোকসকলে প্ৰায়ে কঁকালৰ তলৰ অংশৰ বিষৰ সমস্যাত ভোগে । ইয়াৰ এটা প্ৰধান কাৰণ হ’ল দীৰ্ঘসময়লৈকে একেটা অৱস্থাতে বহি থকা অৱস্থাত কাম কৰা । দ্বিতীয় কাৰণটো হ’ল বহাৰ ভুল ভংগীমা । যদি আপুনিও এই সমস্যাৰ সন্মুখীন হৈছে তেন্তে প্ৰথমে বহাৰ ভংগীমা উন্নত কৰক । ইয়াৰ লগতে এই পদ্ধতিসমূহৰ জৰিয়তে এই সমস্যাৰ পৰা সকাহ লাভ কৰক ।

কেৱল ৱাশ্বৰুমলৈ যাবলৈ কামৰ সময়ত আসনৰ পৰা উঠি অহা মানুহবোৰৰ ভিতৰত আপুনিও আছে নেকি ? যদি উত্তৰটো হয়, তেন্তে আপুনি আপোনাৰ স্বাস্থ্যক লৈ হেতালি খেলি আছে ৷ কৰ্মব্যস্ততাৰ মাজত অলপ সময় বিৰতি লোৱাত নিশ্চয় কিছু সময় লাগে, কিন্তু ই আপোনাৰ শৰীৰৰ বাবে খুবেই জৰুৰী৷ কম্পিউটাৰ বা লেপটপৰ সন্মুখত বহি অবিৰতভাৱে কাম কৰিলে চকু, ডিঙি আৰু কঁকালৰ তলৰ অংশৰ লগত জড়িত সমস্যাৰ সৃষ্টি হ’ব পাৰে ৷

এক গৱেষণাৰ মতে, কঁকালৰ তলৰ অংশৰ লগত জড়িত অধিকাংশ সমস্যা এটা ঠাইত বেছি সময় বহি থকা বা বেয়া ভংগীমাত বহি থকাৰ বাবেই হয় ৷ যদি আপোনাৰ কঁকালৰ তলৰ অংশতো সামান্য বিষ হয়, তেন্তে ইয়াক আওকাণ নকৰিব, বৰঞ্চ এই সমস্যাৰ পৰা যিমান পাৰি সোনকালে মুক্তি পাবলৈ লোৱা ব্যৱস্থাসমূহৰ প্ৰতি গুৰুত্ব দিয়ক ৷ য’ত ইয়াত দিয়া টিপছবোৰ সহায়ক বুলি প্ৰমাণিত হ’ব পাৰে-

কঁকাল টানি ধৰা

• নিজৰ ঠাইত থিয় হওক ৷
• দুয়োখন হাত ডেস্কত ৰাখক ৷
• ভৰি দুখন অলপ পিছলৈ লৰচৰ কৰক ৷
• এতিয়া উশাহ লওঁতে ডিঙিটো ওপৰলৈ তুলি কঁকালটো তললৈ হেঁচা মাৰি ধৰিব ৷
• দুবাৰৰ পৰা তিনিবাৰ এই ষ্ট্ৰেচিং কৰিলে কঁকালৰ তলৰ অংশৰ বিষৰ কোনো সমস্যা নহয় আৰু যদি আছে তেন্তে ই আপোনাক যথেষ্ট সকাহ দিয়ে ৷

শৰীৰৰ ওপৰৰ অংশ টানি ধৰা

ধাৰাবাহিকভাৱে বহি থকা আৰু ভুল ভংগীমাৰ বাবে কেৱল কঁকালত বিষ হোৱাই নহয়, ডিঙি আৰু পিঠিতো বিষ হয় ৷ ইয়াক দূৰ কৰিবলৈ শৰীৰৰ ওপৰৰ অংশ ষ্ট্ৰেচ কৰক ৷

• চকীত চিধাকৈ বহক ৷
• এখন হাত কঁকালত বেঁকা কৰি ওপৰৰ পৰা পিঠিৰ পিছফালে ৰাখক ৷ আনখন হাত কঁকালত বেঁকা কৰি তললৈ লৈ যাওক ৷ এতিয়া দুয়োখন হাত ধৰিবলৈ চেষ্টা কৰক৷ হাত দুখন সংযোগ হ’লে মূৰটো পোন কৰি আগলৈ চাই কেইছেকেণ্ডমান ধৰি ৰাখিব ৷

কাষলৈ টানি ধৰা

• ইয়াত বাওঁহাতখন সোঁহাতৰ আঁঠুত থৈ সোঁহাতখন মূৰৰ ওপৰলৈ লৈ বাওঁফালে কুঁজৰাই লওক ৷ আগলৈ নহয় কাষলৈ বেঁকা হোৱাটো মনত ৰাখিব ৷ ইয়াৰ ফলত কঁকালৰ তলৰ অংশৰ বিষৰ পৰাও আপুনি উপশম লাভ কৰিব ৷
• সিটো ফালৰ পৰাও একে প্ৰক্ৰিয়া কৰক ৷
• এই ব্যায়ামটো দুবাৰৰ পৰা তিনিবাৰকৈ কৰক ৷

লগতে পঢ়ক: কেতিয়াবা ভাবিছেনে নখ-চুলি কাটিলে আমি কিয় বিষ অনুভৱ নকৰো