শীতকালত শাৰীৰিক স্বাস্থ্যৰ লগতে ছালৰ যত্ন লোৱাটোও সমানেই গুৰুত্বপূৰ্ণ ৷ ছালৰ বিশেষজ্ঞসকলৰ মতে আমাৰ খাদ্যাভ্যাসেও আমাৰ ছালত যথেষ্ট প্ৰভাৱ পেলায় ৷ শীতকালত যদি ছালখন সঠিকভাৱে মইশ্ব’ৰাইজ হৈ নাথাকে তেন্তে ছালখন নিৰ্জীৱ যেন লাগে ৷ আজিকালি মানুহে ছালখন উজ্বল তথা কোমল কৰি ৰাখিবৰ বাবে সৌন্দৰ্য চিকিৎসা গ্ৰহণ কৰে ৷ কিন্তু কেতিয়াবা ইয়াৰ ফলত ছালৰ ওপৰত বেয়া প্ৰভাৱো পৰে ৷
এইক্ষেত্ৰত ক্লিনজিং, টোনিং আৰু মইশ্ব’ৰাইজিংৰ নিয়ম মানি চলিব পাৰে ৷ ইয়াৰ লগতে ওমেগা-৩ আৰু ওমেগা-৬ ফেটি এচিডৰ দৰে বস্তুও খাদ্য তালিকাত অন্তৰ্ভুক্ত কৰিব লাগে ৷ শুকান ফল, বাদাম, ঘিউ আৰু শণৰ গুটিত এই পুষ্টিকৰ উপাদানসমূহ সহজে পোৱা যায় ৷ অৱশ্যে ইয়াৰ উপৰিও আপুনি কিছুমান ফেচপেকো ব্যৱহাৰ কৰিব পাৰে ৷ যাৰ জৰিয়তে আপুনি শুকান ছালৰ সমস্যা দূৰ কৰিব পাৰে সেয়ে আজি আমি আপোনালোকৰ বাবে এনে তিনিবিধ ফেচপেক লৈ আহিছো যাক আপুনি শীতকালত আপোনাৰ ছালত প্ৰয়োগ কৰিব পাৰে ৷
কাঠবাদাম আৰু মৌ
কাঠবাদাম কেৱল স্বাস্থ্যৰ বাবে উপকাৰী নহয় বৰঞ্চ ছালৰ বাবেও বহু উপকাৰ সাধন কৰে ৷ শুকান ছাল থকা লোকে কাঠবাদামৰ ফেচ পেক লগাব লাগে ৷ এই ফেচ পেকটো বিশেষকৈ শীতকালত মৌৰ লগত ব্যৱহাৰ কৰিব লাগে ৷ ইয়াৰ বাবে কাঠবাদাম পিচি তাৰ গুড়ি বনাব ৷ ইয়াৰ সৈতে মৌ আৰু দৈ মিহলাই লওক ৷ ইয়াক মুখ আৰু ডিঙিত লগাওক ৷ কিছুদিনৰ ভিতৰত পাৰ্থক্য দেখিবলৈ পাব ৷
আলু আৰু মৌৰ ফেচপেক
আলুৰ ৰস আৰু মৌৰ ফেচ পেক শুকান ছালতো উপকাৰী ৷ ইয়াৰ বাবে এচামুচ আলুৰ ৰস লৈ তাত কেইটোপালমান মৌ দিব ৷ দুয়োটা ভালদৰে মিহলাই মুখ আৰু ডিঙিত লগাওক ৷ জনাই দিও যে আলুয়ে মুখখন গভীৰভাৱে চাফা কৰাত সহায় কৰে ৷
কমলাৰ বাকলিৰ ফেচপেক
কমলাত ভিটামিন চি প্ৰচুৰ পৰিমাণে পোৱা যায় ৷ কমলা খালে ৰোগ প্ৰতিৰোধ ক্ষমতাও বৃদ্ধি পায় ৷ কমলা খাবলৈ যিমানেই স্বাস্থ্যকৰ, তাৰ বাকলিও ছালৰ বাবেও সমানেই উপকাৰী ৷ কমলাৰ বাকলি শুকুৱাই ইয়াৰ ফেচ পেক মুখত লগাব পাৰে ৷ ইয়াৰ ফলত মুখৰ শুকানতা সোনকালে নাইকিয়া হয় ৷
লগতে পঢ়ক: কেতিয়াবা ভাবিছেনে নখ-চুলি কাটিলে আমি কিয় বিষ অনুভৱ নকৰো
