তিনিচুকীয়া, 18 জুলাই: 9 জুনত তিনিচুকীয়াৰ বাঘজান তৈলক্ষেত্ৰত হোৱা বিস্ফোৰণৰ ফলত সংঘটিত হৈছিল অগ্নিকাণ্ড ৷ তৈলক্ষেত্ৰখনৰ 5 নং খাদত বিগত 26 মে’ৰ পৰা হৈ থকা অহৰহ গেছ নিৰ্গমণৰ অন্তত অগ্নিকুণ্ডলৈ পৰিণত হয় বাঘজান ৷ যাৰ ফলত এক হাহাকাৰ পৰস্থিতিয়ে বিৰাজ কৰিছিল স্থানীয় বাসিন্দা সকলৰ মাজত ৷ গৃহহাৰা হৈছিল বহু পৰিয়াল ৷
শনিবাৰে বাঘজানৰ অগ্নিকাণ্ডৰ ফলত ক্ষতিগ্ৰস্ত হোৱা 11 টা পৰিয়ালক ক্ষতিপূৰণ দিলে অইল ইণ্ডিয়া কৰ্তৃপক্ষই ৷ তিনিচুকীয়াৰ উপায়ুক্ত কাৰ্যালয়ৰ সভাকক্ষত মন্ত্ৰী সঞ্জয় কিষাণ, জিলা উপায়ুক্ত আৰু আৰক্ষী অধীক্ষকৰ উপস্থিতিত অইল কৰ্তৃপক্ষই 11 টা পৰিয়ালক প্ৰদান কৰিলে 20 লাখ টকাৰ চেক ৷ তৈলখাদৰ একেবাৰে নিকটৱৰ্তী তথা অগ্নিকাণ্ডত গৃহহাৰা হোৱা পৰিয়ালকেইটাক 20 লাক টকাকৈ মুঠ 220 লাখ টকা প্ৰদান কৰিলে অইল ইণ্ডিয়া লিমিটেডে ৷ আনহাতে অন্যান্য কম-বেছি পৰিমাণে ক্ষতিগ্ৰস্ত হোৱা লোক সকলকো অতি শীঘ্ৰেই ক্ষতিপূৰণ দিয়া হ'ব বুলি জানিবলৈ দিয়ে অইল কৰ্তৃপক্ষই ৷
লগতে পঢ়ক: দিহিং-পাটকাইৰ অবৈধ কয়লা খননৰ তদন্তৰ নিৰ্দেশ মুখ্যমন্ত্ৰীৰ
