তেজপুৰ, 3 জুন : বিধায়কৰ ব্যতিক্ৰমী ৰূপ৷ তেজপুৰত আজি তৃতীয় পৰ্যায়ৰ গুণোৎসৱৰ দ্বিতীয় দিনৰ দিনা ছাত্ৰ-ছাত্ৰীক পাঠদান কৰিলে বিধায়ক পৃথ্বীৰাজ ৰাভাই (MLA Prithviraj Rabha teaching students ) । তেজপুৰ বেংগলী বালক উচ্চ মাধ্যমিক বিদ্যালয়ত উপস্থিত হৈ ছাত্ৰ ছাত্ৰী সকলৰ লগত মত বিনিময় কৰাৰ লগতে ছাত্ৰ ছাত্ৰী সকলক পাঠদান কৰে বিধায়কগৰাকীয়ে ৷
জিলাখনৰ মুঠ চাৰিটা ব্লকৰ প্ৰথম শ্ৰেণীৰ পৰা নৱম শ্ৰেণীলৈ ১,৪৩,১০৮ গৰাকী ছাত্ৰ ছাত্ৰীক লৈ এই মুল্যাংকন ব্যৱস্থা কৰা হয় । শোণিতপুৰ জিলাত হৈ থকা তৃতীয় পৰ্যায়ৰ গুণোৎসৱত তেজপুৰ সদৰ চিলভাৰ জুবলি প্ৰাথমিক বিদ্যালয়ত অসম চৰকাৰৰ অতিৰিক্ত মুখ্য সচিব প্ৰবন কুমাৰ বৰঠাকুৰ আৰু আয়ুক্ত আকাশ দ্বীপ উপস্থিত থাকে ।
শুকুৰবাৰে তেজপুৰ সদৰৰ গাভৰু ব্লকত ৩১৩৯৭ গৰাকী মুঠ ছাত্ৰ ছাত্ৰী উপস্থিত থাকে । বিধায়কগৰাকীয়ে ছাত্ৰ ছাত্ৰী সকলৰ মাজত উপস্থিত হৈ নষ্টালজিক হৈ পৰে৷ পুৰণা শৈক্ষিক পৰিৱেশৰ মাজত নিজকে আকৌ এবাৰ ঘূৰাই পাই বিধায়ক অভিভূত হৈ পৰে বিধায়ক ৰাভা ।
লগতে পঢ়ক : World Anti-Tobacco Day: তেজপুৰত বিশ্ব ধঁপাত বিৰোধী দিৱস উদযাপন
