আমগুৰি,19 ডিচেম্বৰ : চৌদিশে এতিয়া সৰিয়হ ফুলাৰ বতৰ ৷ পথাৰত হালধীয়া সৰিয়হৰ নান্দনিক দৃশ্য ৷ শিৱসাগৰৰ দিখৌমুখৰ পথাৰত ফুলা সৰিয়হবোৰেও যেন হাত বাউল দি মাতিছে সকলোকে ৷
দিখৌমুখৰ পথাৰত সৰিয়হ ফুলৰ অপৰূপ সৌন্দৰ্য
দিখৌ নৈৰ কাষৰীয়া শ শ বিঘা মাটিত সৰিয়হ ফুল ফুলি পথাৰ হালধীয়া হৈ পৰিছে । হালধীয়া সৰিয়হ ফুলে প্ৰকৃতিৰ নান্দনিকতাক মোহনীয় কৰি তোলাৰ লগতে চহা কৃষকৰ মুখত হাঁহি বিৰিঙাই তুলিছে ।
দিখৌমুখৰ বৃহত্তৰ অঞ্চল বিশেষকৈ স’ৰাগুৰি, গটঙা, শান্তিপুৰত শ শ বিঘা বৃহৎ এলেকাত সৰিয়হ ফুলে প্ৰকৃতিক অনন্য মাত্ৰা প্ৰদান কৰিছে । ইয়াৰ লগে লগে খেতিয়কসকলো সৰিয়হৰ খেতি কৰি স্বাৱলম্বী হৈ পৰা পৰিলক্ষিত হৈছে ৷
লগতে পঢ়ক: খোৱাঙত অৰুণোদয় আঁচনিৰ অনুমোদন পত্ৰ বিতৰণ
