আমগুৰি, 18 অক্টোবৰঃ শিৱসাগৰৰ দিখৌমুখত নাৱেৰে বিপদসংকুলভাৱে যাতায়াত ৰাইজৰ ৷ দিখৌমুখ গুৱালগাঁও পাৰাঘাটত দীৰ্ঘদীনে নাৱেৰে যাতায়াত কৰি আহিছে স্থানীয় ৰাইজে ৷ উল্লেখ্য যে, দিখৌনদীৰ এই পাৰাঘাটটো সত্তৰ দশকতেই যাতায়াতৰ সুবিধাৰ বাবে স্থানীয় লোকসকলে মুকলি কৰিছিল ৷ ৪০খনৰো অধিক গাঁওৰ যাতায়াতৰ একমাত্ৰ ভৰষা গুৱালগাঁৱৰ এই পাৰঘাটতো ৷
দিখৌমুখ গুৱালগাঁও পাৰাঘাট
আনহাতে এই ঘাটটোৱেদি অফলা, গড়ভঙা, গটঙা, শান্তিপুৰ, স'ৰাগুৰি, কৈৱৰ্ত্ত গাঁওকে ধৰি দূৰ-দূৰণিৰ পৰা বহু লোকে অহা-যোৱা কৰে ৷ অঞ্চলকেইটাৰ যাতায়াতৰ একমাত্ৰ যোগসূত্ৰ এই পাৰঘাটত বিপদসংকুল নাঁৱৰ যাত্ৰাই ভাবুকি কঢ়িয়াই আনিছে লোকসকলৰ জীৱনলৈ ৷ সেয়ে স্থানীয়লোকসকলে চৰকাৰক পাৰঘাটটোৰ সলনি এখন স্থায়ী দলং নিৰ্মানৰ বাবে আহ্বান জনাইছে ৷
