শিৱসাগৰ, 24 জুন : ডিমৌত এতিয়া কান্দোনৰ ৰোল ৷ পৰকীয়া প্ৰেমৰ বাবেই মূহুৰ্ততে নিঃশেষ হৈ গ’ল এটা পৰিয়াল । অৱশেষত শুকুৰবাৰে পুৱা উদ্ধাৰ হ’ল ডিমৌ সমীপৰ নিতাইপুখুৰী হাঁহপৰা চুকৰ কল্যান গগৈৰ তিনিজনীয়া পৰিয়ালটো (Three dead bodies rescued in Sivasagar)৷
উল্লেখ্য যে, বৃহস্পতিবাৰে নিতাইপুখুৰী হাঁহপৰা চুকৰ নিবাসী কল্যাণ গগৈয়ে পত্নী আৰু 3 বছৰীয়া কন্যা সন্তানৰ সহিতে আত্মহত্যা কৰাৰ কথা এটা ফেচবুক প'ষ্টত উল্লেখ কৰিছিল ৷ ফেচবুক প'ষ্ট'টোক লৈ অঞ্চলজুৰি সৃষ্টি হয় এক হুৱাদুৱা পৰিৱেশৰ (Tension prevails in Sivasaagar over suicide case) । তাৰ পাচৰ পৰাই সন্ধানহীন হৈ আছিল তিনিজনীয়া পৰিয়ালটো ।
ডিব্ৰুগড় জিলাৰ নিতাইপুখুৰীৰ সমীপৰ কেঁকণী চুক নামৰ স্থানত ডিমৌ নদীত পৰি উক্ত পৰিয়ালটোৱে আত্মহত্যা কৰাৰ সন্দেহ কৰিছিল অঞ্চলটোৰ ৰাইজে (Family committed suicide together in Dimow River) । তাৰ পাচতে ঘটনাস্থলীত মৰাণ আৰক্ষীৰ এটা দল উপস্থিত হৈ নিখোঁজ পৰিয়ালটোৰ সন্ধানত নামি পৰিছিল ৷ কিন্তু বৃহস্পতিবাৰে পৰিয়ালটোৰ সন্ধানত উলিওৱাত ব্যৰ্থ হৈছিল আৰক্ষী তথা SDRF বাহিনী ৷
অৱশেষত শুকুৰবাৰে পুৱা প্ৰায় 7:39 বজাত উদ্ধাৰ কৰা হয় নিখোঁজ হৈ থকা তিনিজনীয়া পৰিয়ালটো ৷ আনহাতে, আৰক্ষীয়ে উল্লেখ কৰা অনুসৰি, ঘটনা সন্দৰ্ভত বৃহস্পতিবাৰে শিৱসাগৰ জিলাৰ নিতাইপুখুৰী আৰক্ষীয়ে অভিযুক্ত জিতু তপন চেতিয়া আৰু তেওঁৰ পত্নীক আটক কৰিছে ৷ আজি অৰ্থাৎ শুকুৰবাৰে ঘটনাৰ তদন্তৰ খাতিৰত অভিযুক্ত দম্পতীটোক মৰাণ আৰক্ষীৰ হাতত চমজাই দিয়ে ।
লগতে পঢ়ক : ডিমৌ নদীত একেলগে আত্মহত্যা এটা পৰিয়ালৰ !
