নগাঁও, ২৮ অক্টোবৰ : নগাঁৱত নিজৰ গাঁঠিৰ ধনেৰে অৱসৰপ্ৰাপ্ত আৰক্ষী বিষয়াই নিৰ্মাণ কৰিলে মন্দিৰ (Shiv Mandir constructed by own money) । ৫০ লাখ টকা ব্যয়েৰে শিৱ মন্দিৰ নিৰ্মাণত অৱসৰপ্ৰাপ্ত আৰক্ষী বিষয়াগৰাকীক সহযোগিতা আগবঢ়ায় বন্ধুবৰ্গই । নগাঁৱৰ এগৰাকী অৱসৰপ্ৰাপ্ত আৰক্ষী বিষয়াৰ এক ব্যতিক্ৰমী প্ৰয়াস ।
যিটো সময়ত বৈষয়িক দিশৰ ওপৰত মানুহে অধিক মনোনিবেশ কৰা দেখা গৈছে, তেনে এক সময়তে এক আদৰ্শ দাঙি ধৰিছে এইগৰাকী অৱসৰপ্ৰাপ্ত আৰক্ষী বিষয়াই (Nagaon ex police officer ideal work) । ব্যক্তিগত সম্পত্তিৰ পাহাৰ গঢ়ি মানুহে নিজৰ ভোগ-বিলাসতেই মত্ত থকাৰ সময়ত এইগৰাকী ব্যক্তিৰ এনে আধ্যাত্মিক কাৰ্য তথা ৰাইজৰ হকে কাম কৰাৰ মানসিকতাই সমাজত যে এতিয়াও ভাল মানুহ আছে তাৰে চানেকি দাঙি ধৰিছে ।
ব্যক্তিগত ধন-সম্পত্তি গঢ়াৰ বিপৰীতে ভগৱানৰ আৰ্শীবাদ বিচাৰি মন্দিৰ নিৰ্মাণৰ চিন্তা-চৰ্চা কৰে অৱসৰপ্ৰাপ্ত আৰক্ষী বিষয়া প্ৰফুল্ল কুমাৰ বৰাই (Nagaon retired police officer constructed Shiv Mandir) । নগাঁও চহৰৰ সমীপৰ বিৰহ বেবেজিয়াৰ নিবাসী প্ৰফুল্ল কুমাৰ বৰাই ৫০ লাখ টকা ব্যয় কৰি নিৰ্মাণ কৰি উলিয়াইলে অক্ষয় গুণ নামেৰে এটি আটক ধুনীয়া শিৱ মন্দিৰ ।
শুকুৰবাৰে শিৱ মন্দিৰটিৰ শুভ উদ্বোধন কৰে নগাঁও সদৰ সমষ্টিৰ বিধায়ক ৰূপক শর্মাই (Nagaon MLA Rupak Sarma) । উল্লেখ্য, মন্দিৰটিৰ নিৰ্মাণ সম্পূৰ্ণ কৰি তুলিবলৈ প্ৰফুল্ল কুমাৰ বৰাৰ প্ৰায় তিনি বছৰ সময়ৰ প্ৰয়োজন হৈছিল । ইয়াৰ উপৰি অক্ষয় গুণ নামৰ শিৱ মন্দিৰটৈ নিৰ্মাণ কৰাৰ সময়ত প্ৰফুল্ল কুমাৰ বৰাক তেওঁৰ বন্ধুবৰ্গই যথেষ্ট সহায় কৰা বুলিও জানিবলৈ দিয়ে প্ৰফুল্ল কুমাৰ বৰাই ।
উল্লেখ্য, অক্ষয় গুণ শিৱ মন্দিৰ নিৰ্মাণৰ বাবে প্ৰফুল্ল কুমাৰ বৰাই তেওঁৰ গাঁঠিৰ ধন খৰচ কৰাৰ উপৰি বিক্ৰী কৰে কেইবা বিঘা মাটিও । উলেখ্য যে প্ৰফুল্ল কুমাৰ বৰাই ৰাজ্যৰ বিভিন্ন জিলাৰ লগতে হোজাইতো উপ-আৰক্ষী অধীক্ষক হিচাপে কৰ্মৰত আছিল । পাছত তেওঁ গুৱাহাটীৰ পৰা যান-বাহন শাখাৰ সহকাৰী আয়ুক্ত আৰক্ষী বিষয়া হিচাপে অৱসৰগ্ৰহণ কৰে ।
লগতে পঢ়ক :Last journey of Nipon Goswami: ৰাজ্যিক মৰ্যা দা ৰ্যা ৰে নিপন গোস্বামীৰ শেষকৃত্য সম্পন
