ৰঙিয়া,7 অক্টোবৰঃ কৰ'ণা ভাইৰাছৰ সংকটৰ বাবে দীৰ্ঘদিনীয়া লকডাউনত বহু লোকে জীৱিকা হেৰুওৱাব লগা হৈছে । কিন্তু ইয়াৰ বিপৰীতে এচাম কৰ্মঠ লোকে নতুনকৈ সংস্থাপনৰ বাট মোকলাবলৈ সক্ষম হৈছে । তেনে এগৰাকী যুৱক হৈছে ৰঙিয়াৰ ৱাচিম আক্ৰাম । পঞ্চ তাৰকা হোটেলত মেনেজাৰ হিচাপে কাম কৰা ৱাচিমে লকডাউনৰ সময়ত নিজৰ চাকৰি হেৰুৱাব লগা হয় । কেইমাহমান ঘৰতে চাকৰিৰ অপেক্ষাত ৰৈ থকাৰ পিছতো কোনো সঁহাৰি নোপোৱাত নিজাববীয়াকৈ কিবা এটা কৰাৰ চিন্তা কৰে ৱাচিমে ।
লগতে পঢ়কঃ ৰমাকান্ত দেউৰীৰ বিৰুদ্ধে সৰৱ সদৌ অসম দেৱালয় সংঘ
পৰৱৰ্তী সময়ত নগৰখনৰ এনটি ৰোডত ৱাচিমে 'দা চিজলাৰ্চ' নামেৰে এখন সৰু হোটেল আৰম্ভ কৰে । গুণগত মানদণ্ডৰ নতুন নতুন সুস্বাদু খাদ্য পোৱা এই হোটেলখনে লাহে লাহে গ্ৰাহকৰ সঁহাৰি লাভ কৰিবলৈ আৰম্ভ কৰে । বিভিন্ন ৰাজ্যৰ পঞ্চ তাৰকা হোটেলত মেনেজাৰ হিচাপে কাম কৰা ৱাচিমে লকডাউনত সংস্থাপন হেৰুৱাৰ পিছতো এনেদৰে স্বাৱলম্বী হৈ এক আদৰ্শ দাঙি ধৰিবলৈ সক্ষম হৈছে।
