কলিয়াবৰ,24এপ্ৰিল: কৰ'নাৰ ভয়াৱহ পৰিস্থিতিৰ মাজতে ৰাজ্যত অব্যাহত আছে গৰুৰ অবৈধ সৰবৰাহ । শনিবাৰে কলিয়াবৰত জব্দ হয় অবৈধভাবে গৰুৰ সৰবৰাহ কৰা এখন বাহন । জখলাবন্ধা আৰক্ষী নিৱেশৰ অন্তৰ্গত বাগৰি টহলদাৰী আৰক্ষী চকীৰ সন্মুখতে আৰক্ষীয়ে জব্দ কৰে গৰু ভৰ্তি চোৰাং বাহনখন, য'ত আছিল ৩০টাকৈ পশুধন ৷
বিপ্লৱ কোঁৱৰৰ নেতৃত্বত বাগৰি আৰক্ষীয়ে এক অভিযান চলাই অবৈধভাবে গৰু কঢ়িয়াই অনা এএছ-২৩-বিচি-৫২৯৯ নম্বৰৰ বাহনখন বাগৰি আৰক্ষীয়ে জব্দ কৰিবলৈ সক্ষম হয় । অভিযান কালত চালক-হেণ্ডিমেন সহ বাহাৰুল ইছলাম, ৰফিকুল আলি আৰু ছাত্তাৰ আলি নামৰ তিনিজনকৈ লোককো আটক কৰে আৰক্ষীয়ে ৷ আটকাধীন লোককেইজনে উদ্ধাৰ হোৱা গৰুখিনি গুৱাহাটীলৈ লৈ যোৱাৰ পৰিকল্পনা কৰা হৈছিল বুলি আৰক্ষীৰ আগত মন্তব্য কৰে ৷ বৰ্তমান অধিক তথ্যৰ বাবে জখলাবন্ধা আৰক্ষী নিৱেশত আটকাধীন তিনিওকে জেৰা অব্যাহত ৰাখিছে ৷
অন্য এক খবৰৰ বাবে: হেপ্পী বাৰ্থডে শচীন তেণ্ডুলকাৰ!
