গুৱাহাটী, 22 নৱেম্বৰ : দেওবাৰে ৰাজ্যজুৰি পুনৰ অনুষ্ঠিত হোৱা আৰক্ষী উপ-পৰিদৰ্শকৰ পৰীক্ষা সুকলমে অনুষ্ঠিত কৰাৰ বাবে ডিব্ৰুগড় বিশ্ববিদ্যালয়, ৰাজ্যিক পৰ্যায়ৰ আৰক্ষী নিযুক্তি পৰিষদ, জিলা প্ৰশাসন, আৰক্ষী প্ৰশাসনকে ধৰি সংশ্লিষ্ট সকলো পক্ষকে ধন্যবাদ জ্ঞাপন কৰিছে মুখ্যমন্ত্ৰী সৰ্বানন্দ সোণোৱালে । লগতে, মেধা আৰু যোগ্যতাৰ ভিত্তিত পৰীক্ষাৰ্থীয়ে নিযুক্তি লাভ কৰিব বুলি মুখ্যমন্ত্ৰীয়ে মন্তব্য প্ৰদান কৰিছে ৷ উল্লেখ্যনীয় যে, ৰাজ্যৰ 150 টা কেন্দ্ৰত ৰাজ্যৰ প্ৰায় 65 হাজাৰ প্ৰাৰ্থীয়ে পৰীক্ষাত অৱতীৰ্ণ হৈছে ।
জানিবলগীয়া যে, উপ-পৰিদৰ্শকৰ পৰীক্ষা পূৰ্বতেও অনুষ্ঠিত কৰা হৈছিল যদিও প্ৰশ্ন কাকত ফাদিল হোৱাৰ বাবে স্থগিত কৰা হৈছিল পৰীক্ষা ৷
লগতে পঢ়ক : দলগাঁৱত তীব্ৰবেগী বাইকৰ খুন্দাত নিহত পথচাৰী
