শিলচৰ,১৬ ডিচেম্বৰ : ভয়ংকৰ কূটাঘাটৰ পৰা কথমপি ৰক্ষা পৰিল অসম । এই হাইলাকান্দি জিলাৰ কাটাখাল শালচাপৰাৰ ঘাইপথত উদ্ধাৰ বৃহৎ পৰিমাণৰ বিস্ফোৰক সামগ্ৰী (Explosives recovered in Hailakandi) । কাটাখাল সেঁতুৰ সমীপতে চিআৰপিএফৰ এটা অভিযানকাৰী দলে জব্দ কৰে বিস্ফোৰক সামগ্ৰীখিনি ।
বিস্ফোৰক সামগ্ৰীৰ সৈতে মইন উদ্দিন লস্কৰ নামৰ এজন লোককো আটক কৰা হয় (One person apprehended with explossive) । কুচিলা কেম্পৰ জোৱানসকলে লোকজনক ইতিমধ্যে পাঁচগ্ৰাম আৰক্ষীক হস্তান্তৰ কৰিছে । জানিব পৰা মতে হাইলাকান্দি জিলাৰ আৰক্ষী অধীক্ষক গৌৰৱ উপাধ্যায়ৰ নেতৃত্বত কেইবাগৰাকী শীৰ্ষ আৰক্ষীয়ে ইতিমধ্যে আটকাধীন লোকজনক জেৰা অব্যাহত ৰাখিছে ।
লক্ষণীয়ভাৱে সেই বিস্ফোৰক সামগ্ৰীখিনি কি উদ্দেশ্যেৰে সৰবৰাহ কৰা হৈছিল সেয়া এতিয়াও সন্দেহৰ আৱৰ্তত । কোনো উগ্ৰপন্থী সংগঠনে পুনৰ অসমত কৃটাঘাতৰ পৰিকল্পনা কৰিছে নেকি ? লোকজনক চলোৱা জেৰাৰ অন্তত হে সকলো কথা পোহৰলৈ আহিব ।
লগতে পঢ়ক :Firing at Nagaon: দুৰ্বৃত্তৰ বাহনলৈ লক্ষ্য কৰি আৰক্ষীৰ গুলিচালনা
